Maðkur í mysunni???

Þankagangurinn er mikill í öllum fjölmiðlum vegna Orkuveitumálsins og skoðanir hressilega skiptar um málið. Flestir eru á því að Svandís Svavarsdóttir hafi staðið sig frábærlega þegar málið kom upp og kemur það svo sem ekki á óvart, svo eldklár og skemmtileg sem hún nú er. Svandís er yfirburðarkona. 

Ég verð samt að viðurkenna þrátt fyrir að sú skoðun mín falli eflaust í grýttann jarðveg hjá mörgum félögum mínum að ég er ekki pollrólegur yfir stöðu mála.

Ég er logandi hræddur um maðkinn í mysunni. Framarapestin leggst illa í mig.

Athugasemdir

[Gunnar Helgi Eysteinsson, 14.10.2007 kl. 21:06]

Ég ætla ekki að láta mína skoðun í ljós við þetta mál... læt næga kvitt

[Þórbergur Torfason, 14.10.2007 kl. 21:41]

Ég tek heilshugar undir með þér Karl. Nema þarna leynist höggormur bak við maðkinn svo þú sérð að maðkurinn er talsverður um miðjuna. Höggormurinn be meira að segja nafn svo hann er ekki með öllu óþekktur.

[Þórbergur Torfason, 14.10.2007 kl. 21:45]

Geturðu ekki útbúið könnunina þannig að hægt sé að nafngreina eða bæta við stöðum?

[Benedikt Halldórsson, 14.10.2007 kl. 22:11]

Það hefði verið best ef Vinstri græn og Sjálfstæðisflokkur hefðu myndað stjórn í Reykjavík. Af hverju? Jú, báðir vantreysta hvor öðrum hæfilega mikið til að að vera á tánum í öllum málum og hefðu þar af leiðandi lesið allar skýrslur og alls ekki skrifað undir neitt nema að vel athuguðu máli.

Ég vil kosninagar í Reukjavík, já ég veit að það er ekki leyfilegt samkvæmt lögun en það vara líka óleyfilegt að flakka á milli bæja þegar lög um vistarbönd giltu.

[Jens Guð, 15.10.2007 kl. 01:09]

  Mér heyrist á fólki að Svandís sé stjarna atburða síðustu daga.  Í gær skrapp ég á skemmtistaðinn Pentagon í Ármúla 7. Þar fóru fram fjörlegar umræður um þessi mál.  Ég held að fólk úr flestum flokkum hafi tekið þátt í umræðunni.  Sýndist þar sitthverjum.  En fólk var þó einróma um að Svandís hafi trompað rækilega í upphafi og framvindu málsins.  Meira að segja talsmenn Framsóknarflokksins tóku undir það. 

  Hitt er annað mál að við sem stöndum í dag að meirihluta í borgarstjórn Reykjavíkur - þar á meðal ég sem er í stjórn kjördæmafélags Reykjavíkur norður fyrir Frjálslynda flokkinn - þurfum að hafa allan vara á varðandi Framsóknarflokkinn.  Sá flokkur stendur einungis fyrir spillingu.  Ekkert annað. 

[Jónína Benediktsdóttir (IP-tala skráð) 15.10.2007 kl. 06:23]

Hefur enginn ahyggjur af vali konunnar a logmanni. Er reynsla undanfarinna ara ekki naegilega ljos ? Ragnar Hall er lika i bandalagi audmanna og augljost ad einhver tharf ad greida logfraedikosnadinn. Vinstri graenir eru otrulega einfaldir i hugsun thessa dagana med ad fara spilltan innanfra meirihluta. Tha a eg ekki bara vid Framsokn heldur lika Samfylkinguna. En vonandi attar Svandis sig og truir ekki lofi pabbans um hina guddomlegu utras i Danmorku. Svavar for a kostum i theirri raedu sinni medan menn i utras vordust i rettarsolum med eigur almennings ad vedi. En sjalfstaedisflokksovildin og ovildin i gard Davids Oddssonar naer ut yfir alla domgreind vinstrimanna eda svo virdist vera.

[Dr Banco Vina E.D.R.V, 15.10.2007 kl. 09:48]

Þeir skríða víða framsóknarmaðkarnir og ef ykkur klækjar þá er eins víst að einn maðkurinn hafi komist niður um hálsmálið hjá ykkur sagði einhleypa koana í efra Breiðholti í morgun

[Stefán (IP-tala skráð) 15.10.2007 kl. 14:28]

Mysa er hollur drykkur nema ef að Framsóknarmenn komast í hana, þá læðast í hana baneytraðir ormar. Nýrri borgarstjórn má líkja við mysu með einum baneytruðum ormi, meira að segja höggormi.

[HP Foss, 15.10.2007 kl. 19:40]

Af hverju gefið þið í skyn að Framsóknarmenn séu verri en annað fólk? Er það tilfellið að ykkur finnist það. Og ef svo er, þykir ykkur þið þá betri en Framsóknarmenn? Og hvar liggja mörkin á að teljast Framsóknarmaður?

Maður nokkur sem ég þekki vel sagði mér sögu fyrir mörgum árum, hún fjallaði um menn sem ætluðu að grýta konu. Þar kom maður að og bað um að sá syndlausi kastaði fyrsta steininum.

Hafið þið ekki heyrt þessa sögu?

[Þröstur Unnar, 15.10.2007 kl. 20:58]

Svandís er að hrista upp í málunum, ekki vafi, en held að erfitt verði fyrir þennan mislita hóp að starfa saman.

[Jens Guð, 16.10.2007 kl. 01:57]

  Kalli,  ég er búinn að innheimta tvöfalda diskinn með Gildrunni.  Hann beið mín í góðu yfirlæti á Classic Rock.  Áður átti ég plötuna Út með ykkur.  Ég man í fljótu bragði ekki eftir því hvort að Pétur Kristjáns eða Billy Start gaf mér hann.   Held þó frekar að það hafi verið Billy vegna þess að Pétur var duglegri að hlaða á mig diskum með sínum hljómsveitum.  En einnig með KK-sextett og fleiru sér nátengdara góðgæti. 

 Ég mun spila lag af diskatvennunni í viðtalinu í síðdegisspjalli á Útvarpi Sögu klukkan 16 í dag.  Sömuleiðis ætla ég að blogga um þennan disk þegar ég hef náð heildarmynd af honum.   

  Bestu þakkir fyrir pakkann. 

[Sigurður Hreiðar, 16.10.2007 kl. 16:02]

Já, þú ert hræddur við maðkinn í mysunni. Það er alltaf von á slíku í Ormaveitunni…

Hefur sjálfur nokkra reynslu af álíka fyrirbæri, þykist ég vita. Annars er hugmynd/tillaga frammarans í bæjarstjórn um tilfærslu á tengingu Vesturlandsvegar og Þingvallavegar, sem felur í sér góða lausn á aðkomu Leirvogstungubyggðar, allrar athygli verð fyrir bæjarstjórn Mosó.

Burtséð frá stórviðrinu í Rvík.

Góð kveðja