Hvaða stjórnmálamenn í Mosfellsbæ og Kópavogi þiggja mútur?

Í Blaðinu í dag 6. október, er viðtal við Snorra Frey Hilmarsson formann Torfusamtakanna.

Þar segir hann orðrétt:

“Ég veit að verktakar hafa verið mjög rausnarlegir við ýmsa frambjóðendur, til dæmis í Mosfellssveit og Kópavogi. Ég veit einnig af frambjóðendum sem hafa neitað að taka við fé frá verktökum.

Hverjir þeir eru mætti koma fram fyrir kosningar”.

Ég tel að Snorri Freyr þurfi að útskýra þessi alvarlegu ummæli sín nánar þar sem að nú liggja allir frambjóðendur og sveitarstjórnarmenn í Mosfellssbæ og Kópavogi undir grun um að hafa þegið mútur.

Ljóst er að það þarf að krefjast svara um það hvort þessi ummæli eigi sér stoð í raunveruleikanum og mun ég beita mér fyrir því hér í Mosfellsbæ. 

Athugasemdir

[S. Lúther Gestsson, 6.10.2007 kl. 19:26]

Ég er algerlega sammála þér í þessu, Snorri Freyr eða nokkur maður á að geta komið með svona athugasemdir án þess að klára söguna. Við erum að horfa upp á menn koma með alvarlegar ásakanir í garð einstaklinga og fyrirtækja undanfarið og þykjast svo getað gengið frá brosandi.

Ég vona Karl að þú standir við þetta og krefjist Snorra um svör. Þeir frambjóðendur sem liggja nú undir grun um ólöglegt athæfi eiga svo að fara fram á viðeigandi refsingu yfir Snorra ef orð hans verða dæmt ómerk.

Fyrir mér liggur þú og fleiri bæjarstjórnarmenn og konur í Mosfellsbæ og Kópavogi nú undir grun um að þyggja mútur þangað til Snorri hefur leyst frá skjóðunni.

Ekki getur þú eða aðrir verið ánægðir með það.

[Halldór Egill Guðnason, 6.10.2007 kl. 23:55]

Undarlegt, þegar fjölmiðlar gubba út óskoðuðum fullyrðingum frá Pétri og Páli, án nokkurar skoðunar. Er hægt að segja bara hvað sem er í viðtölum og fá það byrt án nokkurar skoðunar? Íslensk blaða og fréttamennska siglir hraðbyri í þrot, með óvönduðum vinnubrögðum og ekki sýst óvönduðum einstaklingum sem telja sér allt heimilt í krafti frjálsrar fjölmiðlunar. Vona bara að þessi fullyrðing verði rakin alla leið og fengið á hreint hvort fótur er fyrir henni. Ef sattt reynist, er hér slæmt mál á ferðinni. Ef lygi, er Blaðið skeinipappír.

[Björn Sigurðsson (IP-tala skráð) 7.10.2007 kl. 00:07]

Sæll Karl

Ég bar mig eftir því að lesa umrætt viðtal eftir að ég sá skrif þín hér. Ég verð að segja eins og er að þessi maður er á hálum ís eftir ummæli sín og það sem vekur hvað mesta athygli mína er ekki bara það sem hann segir heldur þær spurningar sem eftir sitja og eru þessar:

Hvernig veit maðurinn það sem hann heldur fram með slíkri vissu? Hvaðan fær hann upplýsingar sínar? Hver hefur veitt honum þessar upplýsingar svo áreiðanlegar að hann þori að bera þær á torg og hætta mannorði sínu fyrir?

Það er umhugsunarvert og kannski væri réttast að hann yrði látinn sitja fyrir svörum þar um. Ég sé ekki hvernig hann á að geta vitað þetta með slíkri vissu, þar sem hann býr í bænum og er formaður umhverfissamtaka þar. Kannski að tengsl séu á milli ummæla hans og umfjöllunar Varmársamtakanna um starfsemi Torfusamtakanna og það allt á sama deginum?

[Ólöf (IP-tala skráð) 7.10.2007 kl. 02:00]

Ótrúleg lesning í blaðinu

[Gunnar Helgi Eysteinsson, 7.10.2007 kl. 18:59]

[Herdís Sigurjónsdóttir, 7.10.2007 kl. 23:00]

Ja Kalli minn ekki hef ég þegið mútir frá nokkrum manni hvorki Pétri né Páli eða hvaða nafni sem hann nefnist. Það er algjörlega óþolandi að fólk leyfi sér að skrifa slíkt, ég held að það sé rétt að við setjumst yfir þetta mál.

[Sigurður Hreiðar, 7.10.2007 kl. 23:25]

Við Mosfellingar eigum heimtingu á að fá að vita hvað þessi Torfumaður hefur fyrir sér í þessu efni.

[Ásthildur Cesil Þórðardóttir, 9.10.2007 kl. 16:10]

Hvaða hvaða létu menn svona þegar Davíð Oddsson sagði að borið hefði verið á sig mútur, eða honum boðið slíkt.  Ekki var það rannsakað neitt, og ekki kipptu menn sér mikið upp við það.  Enda var verið að tala um götustráka í þvi sambandi.  Eru politíkusar ekki meira og minna slíkir götustrákar  líka ?

[Guðjón Sigþór Jensson, 9.10.2007 kl. 18:59]

Mosi las þetta blaðaviðtal sem spjall þetta spinnst út frá. Þar voru settar fram skoðanir án þess að neinar skýringar hvað þá sannanir væru lagðar fram. Á venjulegu máli eru slíkar ásakanir nefndar DYLGJUR og eru ekki til fyrirmyndar nema síður sé.

Mjög mikilvægt er að þeir sem setja frá sér skoðanir geri sér grein fyrir því að í réttarríki eins og Íslandi má búast við að vera gerður ábyrgur fyrir því sem maður lætur frá sér fara.  Jafnvel þó maður segi satt getur bakað refsiábyrgð sé tilgangurinn að særa eða meiða æru þess sem orðin beinast til. Jafnvel aðferðin til ærumeiðingar skiptir ekki máli.

Ein skemmtilegasta doktoritgerð íslensks doktors er rit Gunnars Thoroddsen sem hann nefndi Fjölmæli (1967). Það rit er óvenjulega vel ritað og víða leynist glettnin bak við grafalverlega lögfræði doktorsins.  Mosi mælir eindregið með að allir sem hyggjast meiða æru annarra, að kynna sér þetta rit. Reyndar er Fjölmæli ekki kennslubók í ærumeiðingum heldur skýrir það nákvæmlega um hvað þetta er í raun og veru alvarlegt mál að meiða æru annars manns.

Aðferð til ærumeiðinga getur tekið á sig ýmsar myndir. Doktor Gunnar rekur dómsúrlistanir bæði innlendar og erlendar. T.d. var einum gróðabrallara sendir 30 smápeningar í ómerktri sendingu. Með mikilli þrautseigju tókst þó að finna út hver sendandinn var og með tilvísuninni til 30 silfurpeninga Júdasar þótti fullframning ærumeiðingar fullsönnuð.

Í einu máli reyndi á tónlist. Söngflokkur og hljóðfæraleikarar tóku sér stöðu utan við hús þekkt okurkarls í erlendri borg og sungu og spiluðu hátt og snallt alkunnugt þjóðlag sem fjallaði um hófsemd og heiðarleika: Über immer Treu und Redlichkeit.... Sá skildi sneiðina sem að var stefnt og gat auðveldlega sýnt réttinum fram á að þetta hefði verið gert til að móðga sig (Fjölmæli 174). 

Hér eru aðeins örfá dæmi nefnd.  

Svona getur hrammur laganna gripið óforvandis nánast kverkataki um þann sem fremur einhvern verknað sem kann að orka tvímælis. Þar sem um æru manns er að ræða, ber að sýna fyllstu varkárni.

Mosi hvetur til ýtrustu varkárni enda eru hvers konar móðganir ekki neinum til framdráttar og síst þeim sem vilja gjarnan gera lítið úr öðrum.

Mosi