Hundanafnanefnd

Heitir hann virkilega Snati??????

Þegar búið var að spyrja mig þessarar spurningar svona c.a. 100 sinnum, runnu á mig tvær grímur.

Í dag heita hundarnir t.d. Tyson, Elvis, Pamela, Andrea Gylfa, Simpson og Davíð Odds.

Hvar eru, Tryggur, Kátur, Týra, Lappi, Snotra, Kola og Sámur????

Athugasemdir

[Karl Tómasson, 5.10.2007 kl. 00:16]

Ég er nú hjartanlega sammála þér í því Sveinn.

Anna, Ragnar, Halldór, Steinunn, Sveinn, Þóra og Gunnar eru ekki það sem maður á beint von á.

[Mummi Guð, 5.10.2007 kl. 00:22]

Ég er sammála þér, leiðinlegt að gömlu hundanöfnin séu að hverfa. Þar sem ég á ekki hund þá ákvað ég að nefna köttinn minn Snata, þó hún sé læða!

[Þóra Sigurðardóttir, 5.10.2007 kl. 00:48]

Hvar er Týra ?

[S. Lúther Gestsson, 5.10.2007 kl. 01:10]

Minn hundur hét Jagger og var það að sjálfsögðu í höfuðið á hinum eina sanna Jagger. Hann kvaddi þennan heim nú í sumar vegna aldurs, enn hann lét eftir sig son sem við eigum nú og heitir hann Eric, eftir honum eina sanna Eric:)

Skýrðirðu hundinn þinn í lalvöru SNATA? Ertu af gamla skólanum eða hvað?

[Jens Guð, 5.10.2007 kl. 01:42]

  Hvað varð um Snata kallinn?

[steinimagg, 5.10.2007 kl. 06:37]

Það er alveg magnað hvað sumir hundar geta verið líkir eða með svipaða takta og eigendurnir.

[Steinunn Helga Sigurðardóttir, 5.10.2007 kl. 08:44]

Lappi er hjá mér, og Iðunn og Alexandra Manlei frá Hong Kong ekki King Kong, Ferðrik, Ingeborg og Múmín.

svona er nú það. við vorum líka að hugsa um Snata nafnið á Lappa, en Lappi er með hvítar fætur!

Hafðu fallega helgi !

AlheimsLjós til þín 

steina

[Júlíus Valsson, 5.10.2007 kl. 08:48]

Hver myndi svo sem skýra hundinn sinn "Júlíus"? Hundanafnanefnd myndi að sjálfsögðu koma í veg fyrir það. 

[Anna Einarsdóttir, 5.10.2007 kl. 10:39]

Júlíus er flott hundanafn.    JÚLLI !  Komdu hérna skömmin þín.  Skil hins vegar ekki hver nennir út að labba með Davíð Oddsson.

[Egill Harðar (IP-tala skráð) 5.10.2007 kl. 10:40]

Ég á Sprota sem er þó ýmist kallaður prumpur, kubbur, kúkur, Minns eða Sinn. Fyrst það skiptir hundana ekki miklu hvað þeir eru kallaðir þá ætti það að skipta okkur mennina enn minna máli. Við megum þó vanda okkur talsvert betur þegar kemur að því að skýra börnin okkar. Þar komast margir foreldrarnir upp með að gera börnin sín að ævilöngu atlægi.

[halkatla, 5.10.2007 kl. 14:18]

mér finnst öll dýranöfn sæt, það er annað en hægt er að segja um mannanöfn! en þó verða þessi gömlu góðu dýranöfn einsog Snati og Brandur alltaf best

[Hulda Bergrós Stefánsdóttir, 5.10.2007 kl. 17:14]

Týra er í Litlagerði

[Úrsúla Jünemann, 5.10.2007 kl. 17:24]

Ég verð að viðurkenna að nafnval á kettinum mínum er ekki í samræmi við pólitiskar skoðurnar mínar. Hann heitir Dabbi!!!

Það er vegna þess að hann er með yfingang og frekju 

[Halldór Sigurðsson, 5.10.2007 kl. 18:32]

Og af hverju eru öll börn þessa daganna með tvö nöfn ?
Hvað varð af hinum einföldu nöfnum.

[HP Foss, 5.10.2007 kl. 19:45]

Einhver spurði, hvernig verður hún Birta Líf, 95 ára gömul kerling á Hrafnistu með silicon í brjóstum og vörum, strekkt í bak og fyrir?

ER það von að menn hugsi málið?

[Guðríður Hrefna Haraldsdóttir, 5.10.2007 kl. 20:03]

Sonur minn heitir Snati Snær og er hreykinn af því. Sá ófæddi mun heita Bambi Blær og svo framvegis, æ, djók.  Vinkona mín á læðu sem heitir Snati og er greinilega ekki ein um það sé ég á kommenti Mumma Guðm hér að ofan. Segi eins og sumir, sakna gömlu góðu hundanafnanna, þau eru ansi mörg mjög tilgerðarleg í dag.

[Gunnar Helgi Eysteinsson, 5.10.2007 kl. 20:19]

Þegar fyrsti drengurinn á íslandi var skýrður Gunnar... Það væri gaman að heyra umræðurnar um þann skandall

[Jóna Á. Gísladóttir, 5.10.2007 kl. 22:37]

Eins og allt annað fer tískan í hundanöfnum í hringi. Nú er mjög cool að skíra Snati, Lappi, Kolur o.sfrv. Hundurinn minn heitir Viddi og er reyndar skírður í höfuðið á drengnum sem tók á móti honum við fæðingu. Mér finnst það krúttlegt en hefði ekki skírt hann þessu nafni sjálf.

[Hulda Bergrós Stefánsdóttir, 5.10.2007 kl. 23:02]

Þetta er eins og barnið sem sagði við afa sinn :

Afi hvenær fara börn að heita "fullorðinsnöfnum" ?????