Bloggarar eru fólkið í landinu

Ég verð að viðurkenna að fátt hefur komið mér meira á óvart undanfarið en þær fjölmörgu athugasemdir sem ég fæ vegna áhuga míns á blogginu. Svo virðist sem fjölda fólks finnist bloggið ekki samboðið sinni virðingu.

Ósjaldan hef ég verið spurður að því hvort mér finnist þetta merkilegt eða skemmtilegt og þess virði að taka þátt í. Merkilega oft er þetta fólk sem vill, svona út á við vera "alþýðufólk" sem spyr mig þessara spurninga. Getur verið að það hafi ekki kjark til þess að vera á meðal okkar "almúgans" en vilji svona út á við láta sem það sé þess samboðið að vera á meðal okkar, svona öðru hvoru að minsta kosti?

Það sem mesta athygli mína vekur er að flest þetta fólk virðist vita um allt sem er að gerast á blogginu. Hvernig stendur á því??? Í mínum huga er bloggið samfélagið okkar, samfélag okkar íslendinga, samfélag í meiri nærmynd en við höfum átt að venjast í svo mörg ár.

Bloggið er að mínu mati eitt það besta sem komið hefur, fyrir íslenska menningu, tungu og samfélag í áratugi.

Athugasemdir

[Jóhanna Garðarsdóttir, 23.9.2007 kl. 22:41]

Það er auðvelt fyrir unga fólkið að blogga og er talið vera sjálfsagt að blogga, eiga "my space" o.fl. Við sem eldri eru og telja okkur kúltiveruð erum ekki að bera einkalífið á torg.  Og að byrja að blogga var ekki auðvelt, ...jú það getur hver sem er lesið! Það gæti einhver þarna úti ekki verið sammála mér!!! eða ég ernú eniginn penni svo möguleikarnir eru kannski ekki miklir að slá í gegn!!!!    Þetta er minnimáttakennd og óöryggi inn við beinið. =Mín skoðun. En "að blogga" er tilvalin staður og stund að koma hugleiðingum sínum á framfæri. fá að taka þátt í umræðum ef vill, segja sína skoðun  og segja það sem við segjum oft frá í óspurðum fréttum, fréttir af sér og sínum. Þetta er bara einn liður í því að vera til og taka þátt í lífinu.

[Karl Tómasson, 23.9.2007 kl. 22:46]

Já Jóhanna!!!

Þetta er bara einn liður í því að vera til og taka þátt í lífinu.

Bestu kveðjur frá Kalla Tomm úr Mosó.

[sara hara (IP-tala skráð) 23.9.2007 kl. 23:15]

mér leiðist uppskrúfað fólk

[Jenný Anna Baldursdóttir, 23.9.2007 kl. 23:20]

Ég er sammála því sem þú segir Kalli.  Svo er ótrúlegur hroki í þeim sem telja sig til "betra fólks" en sauðsvartan almúgann.  Þeir eiga í erfiðleikum með að þola þennan vettvang.

Takk fyrir pistil.

[Jóna Á. Gísladóttir, 23.9.2007 kl. 23:30]

hæ Kalli minn. Mér þykir svo skrítið að fólk hafi svo mikinn áhuga á einhverju sem það hefur ekki áhuga á. hehe

[Þóra Sigurðardóttir, 23.9.2007 kl. 23:37]

Við stöndum saman suðsvartur almúginn og látum ekki hrokara þessa lands hafa áhrif á það eða.. hvað????

[Birna Dis Vilbertsdóttir (IP-tala skráð) 23.9.2007 kl. 23:50]

Góð færsla. Jebb við stöndum saman sauðsvartur almúgurinn

[Ásta María H Jensen, 24.9.2007 kl. 00:05]

Nú ég sem hélt að það væri "inn" að vera bloggari. Ég minnsta kosti tel blogg vera möguleika til að heyra og sjá miklu fleiri myndir af skoðunum fólks. 

[Gunnar Helgi Eysteinsson, 24.9.2007 kl. 06:00]

Flott færsla!

100 % sammála þessu:

Bloggið er að mínu mati eitt það besta sem komið hefur, fyrir íslenska menningu, tungu og samfélag í áratugi.

[Ásthildur Cesil Þórðardóttir, 24.9.2007 kl. 08:17]

Þetta er allavega mjög skemmtilegt samfélag, sem ég vildi ekki missa af.  Mér finnst það líka auka víðsýni, og maður kynnist fleiri flötum á ýmsum málum.  Það er alltaf gott að læra eitthvað nýtt.

[Halldóra Halldórsdóttir, 24.9.2007 kl. 10:52]

Tek undir með öðrum hér. Það er viss áskorun fyrir "eldri kynslóðina" að opinbera sig á blogginu - yngra fólkið er ófeimnara, mögulega ekki eins bælt. Finn sjálf fyrir því að það tekur á að sýna sig á þessum vettvangi. 

[Halldór Sigurðsson, 25.9.2007 kl. 21:19]

Alveg sammála - og þar er einnig hægt að taka þátt í umræðunni,sem er í gangi þá stundina