Hvernig er þetta með golfið?

Nú er að verða liðin vika síðan ég tók þátt í golfmóti í Mosfellsbæ. Mótið er árlegt og heitir Bæjarstjórnargolf. Þetta er í annað skiptið á ævi minni sem ég spila golf, í hitt skiptið sem ég spilaði var það við sama tilefni fyrir ári síðan. Bæjarstjórnargolfið fer þannig fram að hver byrjandi hefur með sér einn vanan og skipst er á höggum. Auðvitað þarf ég ekkert að segja hvernig þetta mót endaði enda er það svo sem aukaatriði.

Það sem verst er hinsvegar að það sama er búið að vera ergja mig núna í eina viku og gerðist í fyrra eftir mótið. Núna er það þó hálfu verra held ég. Ég er gjörsamlega friðlaus að fara út á völl að spila golf en ég læt það ekki eftir mér. Það fer í þetta hálfur dagur ef vel á að vera.

Hvernig er þetta með golfið? það verða allir vitlausir í þetta sport sem byrja að stunda það.

 

Athugasemdir

[Hulda Bergrós Stefánsdóttir, 20.9.2007 kl. 17:09]

Góð eyðilegging á annars mjög góðum göngutúr !!!!

Annars jafntímafrekt og MOGGABLOGGIÐ

[Herdís Sigurjónsdóttir, 20.9.2007 kl. 17:46]

Hvaða lítillæti er þetta Kalli minn... er ekki allt í lagi að grobba sig yfir því að vinna mótið ... Þetta var rosalega gaman og hefði ég örugglega unnið kvennadeildina...ef hún hefði verið með . En ég á golfsett, en er enn að leita að tíma til að byrja að spila og er búin að finna tíma eftir 10 ár.

[Halldór Sigurðsson, 20.9.2007 kl. 20:02]

Það eru yfirleitt einmana karlmenn sem stunda þetta sport .
Og allt sem þú villt vita um golf , er hér

[steinimagg, 20.9.2007 kl. 23:56]

Golf og Curling er svona svipað, fínt fyrir þá sem nenna eða geta ekki hreyft sig mikið

[Axel Jón Fjeldsted (IP-tala skráð) 21.9.2007 kl. 00:08]

Það er afskaplega gott fyrir nýliða í golfinu að æfa á vellinum okkar uppí Mosfellsdal. Bakkakotsvelli. Upphafið að vellinum átti sá aldraði öðlingur og frumkvöðull Steinar Guðmundsson. Hann fékk föðurarf, land úr Minna-Mosfelli, sem hann lagði undir golfvöll. Þú þekkir söguna. Þar er farið eftir vonum Steinars um að rækta þar upp skógarvöll. Það er yndislegt að spila golf og vera uppí Bakkakoti og vertu velkominn þangað uppeftir Karl.

[S. Lúther Gestsson, 21.9.2007 kl. 00:14]

Ég veit nú afskaplega lítið um þennan boltaleik, enda ekki kominn á þann aldur að fara að spila hann.

[Gunnar Helgi Eysteinsson, 21.9.2007 kl. 06:51]

[Ásthildur Cesil Þórðardóttir, 21.9.2007 kl. 09:04]

Það er eina ástæðan fyrir því að ég hef ekki lagt í að byrja í golfi.  Mér er sagt að það sé nánast ólæknandi.

[Halldór Egill Guðnason, 21.9.2007 kl. 16:06]

Kalli.: Skora á þig að taka áskorun Axels hér að ofan. Bakkakotsvöllur er með þeim skemmtilegri og svo er líka stutt að fara. tveir góðir golfvellir í Mosó! Ekki slæmt

[HP Foss, 21.9.2007 kl. 17:48]

Hommasport

[Karl Tómasson, 21.9.2007 kl. 18:19]

Kæru bloggvinir. Takk fyrir allar heimsóknirnar og oft á tíðum hvatninguna

Ég þakka þér Axel gott boð. Bakkakotsvöllur er án vafa skemmtilegur, þar hef ég reyndar aldrei spilað.

Bestu kveðjur frá Kalla Tomm úr Mosó.

[HP Foss, 24.9.2007 kl. 16:35]

Fyrigefðu Ólafur en ég vissi ekki að þú værir með þessar hvatir, Kalli hafði þó sagt mér það undir 4 augu en bað mig svo vel fyrir það að ég taldi best að gleyma því strax.

Helgi