Þessu vil ég gleyma sem fyrst

"Ég er miður mín og þessu vil ég gleyma sem fyrst" Hvað gerir maður í þessari stöðu? Jú, það vita flestir, ef þeir vilja standa við orð sín og láta mark vera á þeim takandi.

Svo er líka hægt að fara hina þveröfugu leið. Það er að segja þetta en gera hitt. All flestir eru nú sammála um að slíkt háttalag er ekki trúverðugt og gott.

Oddviti framsóknarmanna í Mosfellsbæ lét hafa eftirfarandi eftir sér í blaðaviðtali þar sem hann gagnrýndi vinnubrögð mín úr stóli forseta bæjarstjórnar Mosfellsbæjar.  

"Ég er miður mín og vil gleyma þessu sem fyrst. Nokkrum dögum síðar er hann hættur við að reyna að gleyma. Sem sagt stendur ekki við orð sín. Á heimasíðu undir hans stjórn hefur verið lögð talsverð vinna í upprifjun á málinu sem oddvitinn sagði okkur öllum að hann vildi gleyma.

Sumir eru fljótir að gleyma, jafnvel því sem þeir ætluðu að reyna að gleyma.

Athugasemdir

[Kjartan Pálmarsson, 19.9.2007 kl. 17:53]

Og hvað er það sem gleyma skal?

[Kjartan Pálmarsson, 19.9.2007 kl. 17:53]

Nei annars gleymdu þessu bara, mér kemur það ekki við

[S. Lúther Gestsson, 19.9.2007 kl. 20:07]

Eitthvað las ég yfir þetta viðtal og þar segir allur minnihlutinn að þú hafir gjörsamlega misst stjórn á skapi þínu og lesið pistilinn yfir liðinu. Eitthvað fór orðbragð þitt fyrir brjóstið hjá liðinu (örugglega kvennfóliinu) og treystu þeir sér ekki til að hafa eftir þér í blöðum hvað þú hafir sagt á tímabili.

Svo gráta þau mikið yfir því að þú hafir neitað að gefa út obinberlega afsökun á orðum þínum.

Enn er ekki pólitíkin einmitt svona, hvað hefur maður ekki skemmt sér mikið yfir þegar pólítikusar takast á í spjallþáttum sjónvarps. Þar er nú oft eitthvað sagt sem betur hefði verið ósagt.

Menn takast bara á í hitamálum og á meðan hnefarnir sjást ekki er þetta nú bara eðlilegt. Eða hvað??

[Jón Steinar Ragnarsson, 22.9.2007 kl. 05:14]

Ég fékk mér einu sinni minnistöflur til að skerpa á gráa gerlinum í toppstykkinu.  Ég mundi svo ekki hvar ég setti þær, svo þær komu ekki að gagni.