Jens Guð, besti bloggari Íslands

Besti bloggari Íslands 2007 hefur verið kosinn með glæsibrag.

Ég held að við getum öll verið sammála um að hann sé vel að tittlinum kominn. Einlægur, fróðlegur, skemmtilegur og líflegur bloggari sem hefur tekið á málum líðandi- og gamalla stunda á eftirtektarverðann hátt. Laus við alla tilgerð og uppskrúfaðann texta.

Fyrir hönd allra kjósenda óska ég þér til hamingju með titilinn besti bloggari Íslands Jens Guð. Þú ert sannarlega vel að tittlinum kominn.

Hér eftir ætla ég að gera þetta að árlegum viðburði á minni bloggsíðu sama hvað hver segir og hverjum finnst. Í mínum huga er bloggið vettvangur skoðanaskipta þar sem allir fá tækifæri til að koma sínum sjónarmiðum og þankagangi á framfæri. Bloggið er frelsi en við verðum líka að kunna að fara vel með það og vanda okkur. Auðvitað er þetta allt saman í gamni gert og þeir sem taka því ekki þannig verða að eiga það við sig sjálfa.

Verðlaunin sem besti bloggari Íslands fær að þessu sinni er leirlistarverk eftir eina bestu og færustu leirlistarkonu landsins Þóru Sigurþórsdóttur. Mynd af afhendingu verksins verður birt á bloggsíðu Jens Guð eftir viku.

Ég þakka öllum sem tóku þátt og síðast en ekki síst átta sig á því að einn að stóru göldrum lífsins er að taka því ekki of alvarlega.

Hér á eftir kemur splunku nýtt viðtal við Jens Guð.

Jens hvar ert þú fæddur?

Mér er sagt að ég hafi fæðst 8. maí 1956. Þetta hef ég eftir sannsöglu fólki.

Hvernig voru æsku árin?

Ég ólst upp sem kinda-  og kúreki norður á Hrafnhóli, í útjaðri Hóla í Hjaltadal. Nokkur sumur hjálpaði Valdimar Leo Friðriksson mér við kúreksturinn. Önnur sumur fékk ég hjálp við það frá Þórði Bogasyni, söngvara. Þú þekkir þá báða Kalli Tomm, held ég. Innskot. Já ég geri það, góðir drengir báðir tveir. 

Nám og fyrri störf Jens, getur þú frætt okkur um þau?

Já, frá og með 3ja bekk í gaggó hef ég haldið mig á suðlægum slóðum. Eftir gaggó fór ég í Myndlista-  og handíðaskóla Íslands. Þaðan útskrifaðist ég sem auglýsingateiknari.

Áhugamál þín Jens, hver eru þau?

Þegar ég var kominn suður fyrir heiðar uppgötvaði ég að Þórður Bogason, síðar söngvari og vinur Billa Start, var rótari hjá hljómsveitum Péturs Kristjánssonar. Pétur var skær poppstjarna og ég hafði dálæti á hljómsveitum hans. Ég slæddist með Þórði á æfingar og dansleiki hjá hljómsveitunum. Pétur sýndi mér strax mikla vinsemd og við urðum góðir vinir. Pétur fékk mig til að hanna merki fyrir hljómsveitirnar sínar, teikna auglýsingar og fleira. Það þótti unga sveitastráknum mikil upphefð.

Hver eru viðfangs efni þín í seinni tíð?

Eftir að ég útskrifaðist frá MHÍ vatt mér í auglýsingabransann. Átti lengi auglýsingastofu með fleirum. Einnig stofnaði ég pönk-plötubúð með Sævari Sverrissyni, söngvara og frænda mínum.  Búðin hét Stuð og var mjög vinsæl. Enda mikið stuð. Þar spiluðu pönkhljómsveitir iðulega á föstudögum. Síðar selflutti ég plötudæmið yfir í plötuútgáfu og verslun sem hét Gramm. Það var mikið veldi á tímabili. Við gáfum út söluhæstu plötur Bubba og Megasar auk annarra. Það munaði öllu að ég hannaði markaðssetningu á plötunum, teiknaði umslögin og það allt saman. Öll helstu jaðar rokkböndin voru hjá Gramminu. Þar á meðal liðið sem stofnaði Sykurmolana. Við fluttum líka inn helling af útlendum hljómsveitum. Ég tapaði slatta af peningum á því. Sem var ágætt.  Annars hefði ég eytt þeim í vitleysu. Innskot Kalla Tomm, Grammið dreifði m.a. út fyrstu plötu Gildrunnar, Huldumönnum. Það er ófáanlegur safngripur í dag eingöngu til á vínil.

Ég þykist vita að við fleiri verkefni hafir þú fengist Jens. Hver eru þau?

Einhverntímann tók ég þátt í að setja upp útvarpssöð, Útvarp Rót. Þar gegndi ég titlinum tónlistarstjóri. Lengst af var ég alltaf með annan fótinn í blaðamennsku. Skrifaði um poppmúsík fyrir allt upp í 12 blöð samtímis. Einnig gaf ég sjálfur út poppblöð og skrifaði Poppbókina. Ég hef stússað í mörgu fleiru. Ég man ekki helminginn af því. 

Hvað með skrautskriftina Jens, þú hefur getið þér góðs orð fyrir hana.

Í 27 ár hef ég kennt skrautskrift. Næstum jafn lengi hef ég verið með innflutning og heildsölu. Ég rak einnig um tíma heilsubúð. Núna er ég aðallega með heilsusnyrtivörur í heildsölu. Þekktasta merkið er Banana Boat.

Hver er Jens Guð í stuttu máli?

Ég er öfgakall í músíkviðhorfum. Þoli illa iðnaðarkennt léttrokk. Ég vil hafa rokkið sem þyngst og harðast. Hljómsveitir eins og Mínus,  I Adapt,  DYS,  Forgarðurinn og Skátar eru í uppáhaldi.   Reyndar er ég líka djassgeggjari. Svo er ég stöðugt að hjálpa færeysku tónlistarfólki að ná athygli hérlendis. Það gengur vel.

Ég lærði agaðan söng í nokkur ár. En hlusta ekki mikið á óperur. Bara smá. Ég hef sungið með nokkrum hljómsveitum í áranna rás. En engri frægri. Einnig söng ég um tíma við píanóundirleik léttklassískar aríur. Mér þótti það ekki nógu gaman.

Takk fyrir spjallið Jens Guð, besti bloggari Íslands og til hamingju minn kæri.

Kalli Tomm.

Athugasemdir

[Hlynur Hallsson, 30.8.2007 kl. 22:22]

Takk fyrir skemmtilegt viðtal Kalli og til hamingju Jens. Bestu kveðjur,

Hlynur

[Anna Ólafsdóttir (anno) (IP-tala skráð) 30.8.2007 kl. 22:40]

Mikið assggg... var þetta skemmtilegt viðtal   Takk - og til hamingju með þig og Jens

[Guðríður Hrefna Haraldsdóttir, 30.8.2007 kl. 22:43]

Óska Jens innilega til hamingju með sigurinn. Ég er ekkert spæld. Í alvöru! Get alveg keypt mér leirlistaverk sjálf. 

[Katrín Snæhólm Baldursdóttir, 30.8.2007 kl. 22:52]

Jens innilega til hamingju með titilinn og leirlistaverkið. Annars á ég nokkra skúlptúra sem ég er til í að skipta á fyrir titilinn...ha???

Nei smá grín..og ferlega skemmtilegt að fá heilt viðtal með úrslitunum. Takk fyrir!!!

[Elín (IP-tala skráð) 30.8.2007 kl. 23:16]

Frábært til hamingju Jens með árangurinn þú ert frábær bloggari og það var gaman að lesa viðtalið við þig. Ég er búin að bíða eftir úrslitunum. Þaug voru góð.

Elín.

[Markús frá Djúpalæk, 30.8.2007 kl. 23:21]

Þetta kemur ekki mikið á óvart þó ótrúlega margir fimir pennar leynist á blogginu. Til hamingju Jens.

[Herdís Sigurjónsdóttir, 30.8.2007 kl. 23:27]

JU og hann er ekki bloggvinur minn.... ennþá . Verð að bæta úr því hið snarasta..

[Jóna Á. Gísladóttir, 30.8.2007 kl. 23:45]

Ha?? eru verðlaun. Afhverju sagði mér það enginn? Þá hefði ég sko sett kosningaáróður af stað.

Takk fyrir viðtal. Jens óska ég til hamingju og Kalli þetta var skemmtilegt hjá þér.

[Jens Guð, 30.8.2007 kl. 23:58]

  Takk,  takk og aftur takk.  Katrín Snæhólm kom verulega við sögu hjá okkur á Útvarpi Rót á sínum tíma.  Ljúf,  þægileg og gullfalleg kona.  Ljóðræn og falleg hugsun hennar kemst vel til skila á skemmtilegu bloggi hennar.  Að öðru leyti vísa ég færslu mína um þessi úrslit hér.   

[Gunnar Helgi Eysteinsson, 31.8.2007 kl. 05:42]

[Steinunn Helga Sigurðardóttir, 31.8.2007 kl. 06:17]

frábært framtak kalli ! gott viðtal við vinningshafan ! ætlað að skoða síðuna hans hljómar skemmtilegur !

AlheimsLjós til þín

steina

[Ásthildur Cesil Þórðardóttir, 31.8.2007 kl. 10:56]

Aldeilis fagmannlega að verki staðið Karl Tómasson, svona eiga menn að vera.  Allt gert með stæl, verðlaun og alles.  Ég vil óska Jens Guði innilega til hamingju með þennan verðskuldaða sigur.  Frábært alveg.  Og svo vil ég þakka Karli sérstaklega líka fyrir að finna upp á þessu fyrir okkur öll. 

[Sigurður Þórðarson, 31.8.2007 kl. 13:58]

Jens er virkilega vel að þessu kominn.

Innilega til hamingju! 

[Sigrún Þorvarðsdóttir (IP-tala skráð) 31.8.2007 kl. 16:25]

gaman fyrir þig, Jens Guð, gjörðu svo vel að njóta ljósmynda hjá mér til enn frekari ánægju

[Halldór Sigurðsson, 31.8.2007 kl. 18:17]

Til Hamingju Jens Guð -
vel að sigrinum komin

[Jenný Anna Baldursdóttir, 31.8.2007 kl. 19:34]

Sko þið eruð krútt, þe Kalli og Guðinn.  Langar að knúsa ykkur í spað

Til hamingju JGUÐ, ég er betri bloggari, en ég játa mig sigraða (jeræt).  Hehe, gaman að þessu. 

[Katrín Snæhólm Baldursdóttir, 31.8.2007 kl. 19:39]

Jens vorum við ekki örugglega bloggvinir..hvar ertu..ekki hentir þú mér út??? Hræddist þú fegurðarsamkeppnina..æ nei..takk fyrir falleg orð krútt!!

[Jens Guð, 31.8.2007 kl. 20:53]

  Katrín,  þetta skil ég ekki.  Ég hef aldrei hent út neinum bloggvini.  Aldrei.  Þú varst bloggvinur minn.  En ég sé að þú hefur horfið úr bloggvinalistanum á dularfullan hátt.  Ég átta mig ekki á því hvernig það hefur gerst.  Ég fullvissa þig um að það átti ekki að gerast.  Nú hef ég smá áhyggjur ef þetta hefur gerst með fleiri bloggvini mína.  Ég bið fólk um að láta mig endilega vita ef það verður vart við að hafa horfið af bloggvinalista mínum. 

  Katrín,  ég flýti mér að koma þér á listann aftur. 

  Ykkur hinum þakka ég hamingjuóskirnar.

[Högni (IP-tala skráð) 2.9.2007 kl. 21:48]

Til Hafmingju Jens ég kynntist þér lítileg í Heildversluninni Egilsson,áður S.H Egillson.Þú varst hinn vænsti viðskiptavinur.

Högni