Það er hægt að rokka á drottningunni

Byrjið á því að fá ykkur sæti. Strjúkið vinstri höndinni fram og til baka ofan á lærinu í c.a. hálfa mínútu. Þið eigið að ná um 30 ferðum fram og til baka. Þá er hægri höndinni skellt á hægra lærið og snúið í hringi. Athugið að vinstri höndin á að halda sínu striki upp og niður á sama tíma. Í næsta tíma bætum við inn takti með báðum fótum. Þetta er mjög góð æfing á hverjum morgni fyrir líkama og sál.

Trommuleikarar eru oft spurðir að því hvernig þeir geti gert sitthvorn hlutinn með fótum og höndum. Auðvitað er það heilmikil æfing og aðeins á færi fárra útvaldra. Það er samt rokk og ról í fleiri hljóðfærum en trommunum, t.d. í pípuorgelinu. Pípuorgelið er alltaf kallað drottning hljóðfæranna.

Í þessu fræga verki Bach er t.d. heilmikið að gera hjá hljóðfæraleikaranum. Ég vona að þið hafið ekki svo mikið að gera að þið gefið ykkur ekki tíma til að hlusta á allt verkið.

       

      

Athugasemdir

[Gunnar Helgi Eysteinsson, 15.8.2007 kl. 18:01]

[Kristján Kristjánsson, 15.8.2007 kl. 22:29]

Þetta eru langerfiðustu leikfimisæfingarnar :-)

Frábært myndband. Gaman að sjá verkið spilað í nærmynd, sérstaklega fótstigið :-)

[HP Foss, 16.8.2007 kl. 13:34]

Ég veit það ekki. Er ekki bara auðveldara að gera þetta í tölvu? þessi tréorgel hljóta nú að fara að detta uppfyrir, virkar á mig eins og þegar verið er að sýna heyskapinn í Árbæjarsafninu,  ósköp eitthvað afkastalítið og tjásulegt allt saman.