Almúgablogg

Ég hef fylgst með blogginu um nokkurra mánaða skeið og undanfarnar vikur tekið þátt í því og haft sérstaklega gaman af. Auðvitað eru svartir sauðir inn á milli sem kunna engin mörk á einu eða neinu eins og alstaðar. Ég hef reynt að hvetja marga bloggvini mína til að láta slíka bjána ekki komast upp með að skemma fyrir okkur hinum sem reynum að gera allt okkar besta til að skrifa um allt og ekkert og hafa gaman af .

Ég held að bloggið sé ein skemmtilegasta og jafnframt magnaðasta leið seinni tíma til að viðhalda íslenskri tungu, menningu og texta.

Eflaust eru margir á öðru máli enda hafa margir kosið að hverfa á braut en ekki alla leið heldur á önnur bloggmið. Bloggmið sem að þeirra mati eru ekki almúgablogg heldur eitthvað allt annað.

Ég kýs áfram almúgabloggið, því þar eru bloggararnir sem hafa að mínu mati púlsinn á okkar tilveru.

 Tilverunni sem við búum í.

Athugasemdir

[Jóna Á. Gísladóttir, 14.8.2007 kl. 00:57]

við erum öll æðisleg

[Þórður B. Sigurðsson (IP-tala skráð) 14.8.2007 kl. 01:15]

Í tilefni af titli þessarar færslu má ég til með að hengja þessa krækju í netið:

http://almuginn.blogspot.com/

[Eva Þorsteinsdóttir, 14.8.2007 kl. 01:39]

Hvaða hvaða, eru einhver sárindi?

Kannski finnst sumum bara moggabloggið leiðinlegt, hallærislegt og vilja ekki taka þátt í því!

Annars hefði ég haldið að almúginn væri sá hópur sem aldrei fær að komast á þann stall að taka þátt í umræðunni og þarmeð fá forskot á innlitstölur á síðuna hjá sér vegna þess. Það eru nú ekkert allt mannvitsbrekkur sem eru þar á ferð ... en þetta er bara mín skoðun og endurspeglar ekki á neinn hátt skoðanir annarra!

Kv. frá almúganum.

[Jenný Anna Baldursdóttir, 14.8.2007 kl. 09:53]

Ef ég er almúgi þá er ég stolt af því.

Kveðja frá bloggvinkonu.

[Matthildur Ágústa Helgadóttir Jónudóttir, 14.8.2007 kl. 10:08]

Moggaboggið er ágætt að mínu mati.  Ég hef að vísu ekki mikla reynslu af öðrum kerfum fyrir utan þann tíma (fyrir löngu) sem ég var það sem félagar mínir kölluðu skítabloggara á m.it.is  Skítabloggari ku ver sú  sem bloggar sjaldan.  Í mínum huga ætti frekar að nota orðið yfir þá sem blogga oftar en þeir ráða við.  Það eins sem ég læt stundum pirra mig eru þessar límingar misgóðra bloggara í það sem kallað er umræðan. 

[Herdís Sigurjónsdóttir, 14.8.2007 kl. 10:24]

Ágætis pælingar Kalli. Ég skoðaði þetta svolítið á sínum tíma og ákvað að blogga á moggablogginu og hef haldið mig þar síðan. Það eru nokkrir sem ég las daglega sem hafa farið yfir á eyjuna og ég hætti að lesa því ég fer einfaldlega aldrei þangað inn. Ég sé líka að í sumar hafa nokkrir nýir félagar og ekki síst úr pólitíkinni mætt til leiks á moggablogginu í sumar og því sé ég fram á spennandi vetur á moggabloggi. Anna mín þú heldur bara áfram að blogga á báðum stöðum .

[Ragnheiður , 14.8.2007 kl. 10:43]

Mér finnst gaman að fjölbreytileika moggabloggsins. Það eina sem hefur stuðað mig fram að þessu eru þessir dramatísku bloggarar sem storma burt (fara reyndar ekkert) í djúpri hneykslan á því hvernig aðrir blogga á sínum eigin síðum. Það er eins og þeir aðilar séu að bíða eftir einhverjum kór ; búhú nei ekki hætta ! Vertu kyrr á moggabloggi.

Mér er bara sama um hvað fólk skrifar, það er þeirra mál. Ég les bara það sem mér finnst þess virði að lesa. Fann t.d. í gær skemmtilegar myndir úr Mosó, ég bjó þar einu sinni.

[Kristín Katla Árnadóttir, 14.8.2007 kl. 11:25]

mér finnst gaman að lesa blogg annarra og fólk má blogga það sem það vill en mér finnst leiðinlegt þegar fólk er að hæðast af öðrum bloggarum.Og tel mig vera almúgi og skammast mín ekki fyrir það.

[Gunnar Helgi Eysteinsson, 14.8.2007 kl. 12:24]

Ég byrjaði að blogga til þess að viðhalda íslenskunni...

[Steinunn Helga Sigurðardóttir, 14.8.2007 kl. 13:33]

það erum jú flest af okkur  sem erum almúginn ! ég hef ekki bloggað hérna svo lengi, en þegar ég fann inn á þetta bloggsamfélag, var eins og að finna púls íslenskrar alþýðu slá. það fannst mér magnað ! ég hef búið í danmörku í 14 ár og þar af leiðandi ekki verið hluti af landinu mínu, en núna finn ég mig hluta a,f hluta af landinu. og það er gott. ég get líka bara verið sammála þér um að þetta viðhaldi minni íslensku, sem er ansi bágborin ! en verður betri og betri, og svo sé ég oft svo skemmtileg orð þegar ég er að lesa annarra blogg, sem ég hafði alveg gleymt takk fyrir gott innlegg !

AlheimsLjós til þín

steina í Lejre

[María Anna P Kristjánsdóttir, 14.8.2007 kl. 13:40]

Ég er almúgi og er hið besta mál,en ég set mig ekki dómarastól og segi til um hver er almúgi og hver er ekki.Ég blogg mikið um fréttir frá mbl.og get ekki séð að thad sé neitt verra en annað,hver og einn verður að blogga eins og honum eða henni finnst best.Hver og einn hefur sinn stíl,enginn stíll er betri en annar their eru bara mismunandi.Kvedja María

[Högni Jóhann Sigurjónsson, 14.8.2007 kl. 13:51]

Ef ég skil þig rétt þá ertu að segja það sem Kristín Katla dregur samn í 2 setningar og ég tek undir. Ég sá hvorki hroka né dómara þarna.

[Jón Steinar Ragnarsson, 14.8.2007 kl. 17:18]

Er blogg eitthvað sem þarf að skilgreina og flokka?  Það er vísasta leiðin til að efla óeiningu og aðskilnað. Flokka í tegundir og klassa og kalla eitt þetta og annað hitt til aðgreiningar frá öðru "betra"" eða "verra".  Blogg er bara blogg..opinn vettvangur tjáninga fyrir alla án landamæra.  Eina flokkunin sem verður er sjálfkrafa.  Sú að líkur sækir líkan heim.

Annars var ég að velta fyrir mér Kalli hvort einhver hefur sagt þér að þú værir stjórnsamur? Það örlar á svolitlum tendensum. Neita því ekki með fullri virðingu.

[Jón Steinar Ragnarsson, 14.8.2007 kl. 17:24]

Svo eitt meðan enn er blóð á tönn.  Hverjir eru það hér á þessum vettvangi, sem EKKI falla undir skilgreininguna almúgi? Eða hverjir falla ekki undir hana svona yfirleitt.  Ef þú átt ekki svör, þá er skilgreiningin óþörf og ómerk.

[Jens Guð, 14.8.2007 kl. 21:54]

  "Love of the Common People" heitir vinsælt lag.  Sennilega þekktast í flutningi Pauls Youngs en hljómar betur í flutningi Stiff Little Fingers,  Bruce Springsteens og ýmissa reggísöngvara.

  Lagið kom upp í huga mér við lestur um almúgablogg. 

[Ásthildur Cesil Þórðardóttir, 14.8.2007 kl. 23:08]

Ég er bara ánægð með að vera almúgabloggari

[Katrín Snæhólm Baldursdóttir, 14.8.2007 kl. 23:21]

Ég er bara íslendingur í útlöndum sem finnst alveg frábært að vera í sambandi við landa mína í gegnum bloggið. Les alls konar blogg og finnst bara skemmtilegt. Er örugglega almúgastelpa...sjómannsdóttir og Gaflari sem hef bara gaman af að skoða lífið og tilveruna í sínum fjölbreyttustu myndum. Blogga sjálf bara um það sem mér er hugleikið þá stundina.

Ísland ögrum skorið

eg vil nefna þig

Kveðja

Katrín

[Haukur Nikulásson, 15.8.2007 kl. 00:01]

Ég læt nú bara ekki sjá mig með svona almúgaliði eins og ykkur! Ég  ástunda nú bara heldrimannablogg!

[Haukur Nikulásson, 15.8.2007 kl. 00:02]

Úps! Hvernig felur maður myndir? Anyone?