Bloggreind

Þá er komið að allra síðasta kaflanum í rannsóknum mínum á greind. Ég hef leitast við að finna öll merkustu greindarpróf seinni tíma og birt hér á bloggi mínu undanfarnar vikur.

Ekki hefur staðið á viðbrögðum ykkar kæru bloggvinir og öðrum gestum. Hvað er greind???

Er t.d. til  bloggreind.

Um fátt hefur verið jafn mikið talað undan farin misseri og greindarlausa bloggara.

Reyndir bloggarar eða öllu heldur bloggreynt fólk kann öll tökin á tækninni. Það bloggar um allt og ekkert. Það er ekkert athugavert við það að vera bloggreyndur. Það þýðir ekkert að vera abbó út í bloggreynda sem kunna tökin á tækninni og nota bloggreindina til að fá sem flesta gesti.

Aðalatriðið er samt að vera bloggreindur og misnota ekki bloggið á nokkurn hátt.

Eitt er að vera bloggreindur og annað að vera bloggreyndur. 

Athugasemdir

[Anna Ólafsdóttir (anno) (IP-tala skráð) 3.8.2007 kl. 01:30]

Blogggreind og bloggreynd - þessi verða að fara í orðabók. Það rekur hver snilldin aðra í nýyrðunum hér í bloggheimum þetta kvöldið. Jenný Anna bloggvinkona kom í þessari færslu með tillögu að orðunum ofmæðrun og vanfeðrun - kíktu á það.

[Jenný Anna Baldursdóttir, 3.8.2007 kl. 13:38]

Ég er blogggreind, bloggreynd, vangreind, ofgreind og misgreind.  En ég er líka vesalingur.

Kveðja,

Jenny Anna bloggvinkona

[Jens Guð, 3.8.2007 kl. 13:39]

  Vissulega var gaman að fá mörg innlit í upphafsskrefum bloggs.  Metnaður í þá átt rjátlast þó fljótt af og við tekur áhugi á að koma af stað áhugaverðri og líflegri umræðu.  Þegar vel tekst til í þeim efnum er gaman.  Ekki síst þegar umræðan snýst um músík.