Verður þetta einhverntíma toppað?

Í dag er hálf öld frá því að samstarf þeirra hófst og enn eru þeir langbestir. Verður þetta einhverntíma toppað? Ég bara spyr.

Ég fór á tónleika með Paul fyrir fjórum árum síðan, það var algerlega ólýsanlegt. Með góðri samvisku skora ég óhræddur á alla að gera sér ferð til að sjá hann, þess vegna til Ástralíu. Kallinn eldist eins og aðrir þrátt fyrir að lög hans og þeirra félaga eldist ekkert og virðist með öllu ódauðleg.

Þetta myndband er frábært svo ekki sé nú talað um lagið. Trommuleikur Ringo Star er frábær í laginu. Takið eftir þegar hann virðist vera að ná einhverjum matarleifum með tungunni úr tönnunum. Sennilega hefur hann verið nýbúinn að borða rækjusamloku.

Hafið það öll gott í fríinu, ég mátti til að skjóta þessari færslu inn. Bestu kveðjur.

Athugasemdir

[Jóna Á. Gísladóttir, 6.7.2007 kl. 17:33]

eða roastbeef.

[Halldór Egill Guðnason, 7.7.2007 kl. 01:44]

Aldrei.

[Steinunn Helga Sigurðardóttir, 7.7.2007 kl. 11:23]

ég hef alltaf verið hrifnust af John Lennon, aðalega hversu mikil áhrif hann hefur haft á hugsanagang í heimi hér. Það er gaman til þessa að hugsa að J, P og G, hafa verið mikið meðvitaðir andlega og pólitiskt.

veit ekki með ringó ?

Knús og Ljós til þín

Steina 

[Jóna Á. Gísladóttir, 7.7.2007 kl. 16:20]

Nú nú. Er maðurinn trommari?

[Jens Guð, 11.7.2007 kl. 00:55]

  Ég fæ alltaf smá nostalgíu-kast að sjá gömul myndbönd með Bítlunum.  Þetta er skemmtilega "hallærislegt" mæm (=lagið spilað af plötu en hljómsveitin þykist spila "live").  Ég hef aldrei viljað gera upp á milli Johns og Pauls.  Og bara helst ekki gera upp á milli liðsmanna Bítlanna.  Það var heildarpakkinn sem gerði þessa hljómsveit svo heillandi.  Hluti af "sjarma" Bítlanna var þessi innbyrðis vinátta þeirra sem birtist meðal annars í brosi þeirra á milli í þessu myndbandi.

  Upptökustjóri Bítlanna,  George Martin, sem vann fyrir margar aðrar hljómsveitir, hefur sagt frá því að þrátt fyrir persónulegan metnað Johns og Pauls þá hafi þeir af sjaldgæfum eiginleika verið svo viljugir að hrífast að hæfileikum hvors annars.  Þeir kepptu sín á milli í því að eiga A-lag á næstu smáskífu og voru oftast í fullri einlægni sammála um það hvor hafði vinninginn hverju sinni.