Hann felskir kórinn.

Fyrir all nokkuð mörgum árum síðan sagði ég setningu á vinnustað mínum sem olli talsverðri umræðu og vangaveltum meðal vinnufélaga minna.

Ég sagði: „Segulbandið mitt felskir tóninn“. Í kjölfarið komu upp heilmiklar vangaveltur um þetta orðalag mitt og flestir voru á því að þetta væri alger afbökun á íslenskri tungu. Ég var á öðru máli og sagði ekkert rangt við þetta.

Í kjölfarið var hringt í mikinn íslenskumann og hann spurður hvort þetta orðalag gengi upp. Sá ágæti maður kvaðst ekki hafa heyrt þetta orðalag áður en sagðist jafnframt ekki sjá annað en að það gengi upp.

Hesturinn á það til að vera haltur. Það heltir hestinn að hafa þennan þunga mann á bakinu.

Kórinn á það til að vera falskur. Það felskir kórinn að hafa þennan mann í honum.

Þetta er kanski svolítið vont þegar Vestur-Skaftfelski kórinn heldur tónleika, ég segi það ekki.

Er það þá kannski Vestur-Skaftfalski kórinn heldur tónleika á Kirkjubæjarklaustri?

Athugasemdir

[Jóna Á. Gísladóttir, 20.6.2007 kl. 20:34]

Þú skelfir mig með þessu orðalagi. Varst þú í Perlunni í dag Kalli minn? Fannst ég sjá þig. Var það ímyndun?

[HP Foss, 20.6.2007 kl. 22:59]

Hvað heitir maður sem kallaður er Palli? Svar : Páll
Hvað heitir maður sem kallaður er Njalli? Svar: Njáll
Hvað heitir maður sem kallaður er Kalli???????????

[Karl Tómasson, 20.6.2007 kl. 23:07]

Sæl Jóna ég kannaðist við andlit sem ég sá í Perlunni í Dag. Það var ekki Marlin, heldur einhver allt önnur. Gátan er leyst.

Bestu kveðjur úr Mosó.

Er þá Helgi Háll???

Helgi hefur þú sungið í Vestur Skaftfelska kórnum???

K. Tomm.

[Karl Tómasson (IP-tala skráð) 20.6.2007 kl. 23:14]

Fyrir 6 árum fór ég á tónleika með kórnum. Nei sennilega eru 5 ár síðan. Það var að hausti, sennilega í september. Nei þegar betur er að gáð var það í október, þann átjánda. Móðir mín á afmæli þennan dag og við fórum saman. Nei hvaða bull er þetta í mér þetta var þann sautjánda, daginn fyrir afmæli hennar. Þriðja lagið á tónleikunum frekar en það fjórða var tileinkað móður minni. Þetta lag var samið árið 1973 frekar en fjögur og fengu allir viðstaddir gæsahúð.

Allt tal um felskju passar ekki um þennan kór.

Óskar Þ.G Eiríksson.

[HP Foss, 20.6.2007 kl. 23:27]

sæll Óskar og gaman að sjá frá þér, frændi sæll.
Það er ekki furða þótt þú sért hissa, hissa að sjá kerlingar Mosans ausa úr mis gáfulegum brunnum sínum, til varnar forsetatetrinu á langa setrinu. Alveg kolmagnað að sjá þetta, sjá þetta svona skipti eftir skipti, trekk, í trekk. Þetta er bara eins og að lenda á útvarpi sögu eftir misheppnaða veiðferð í Þingvallatjörn. Sei,sei, við verðum að taka þetta upp á næsta þorrablóti félagsins okkar.  Þekkir þú Kál?

[Kristinn Kjartansson (IP-tala skráð) 21.6.2007 kl. 08:22]

Sæll Karl.

Þar sem ég hef í áratugi sungið í Skaftfellskum kór, vakti þessi hugleiðing mig til umhugsunar um hvort ritarinn væri Karl hinn Mosfalski

[HP Foss, 21.6.2007 kl. 11:49]

Mosellingar hafa nú ekki verið þekktir fyrir fagran söng, nema síður væri.  Þarf ekki að nefna fleiri dæmi en uppáhaldið þeirra, hljómsveit sem þvælist um allan heim með hljóðum. Þvílík hljóð sem frá þeim koma. Ekki eru þau fögur en flokkast með fuglasöng þeirra í Mosfellssveit. Sussuss.

Gef ekki mikið fyrir slíka tóna, ef tóna skyldi kalla.

Við áttum prest sem tótti ekki tóna vel, nú þá las hann þetta bara upp eins og venjulegur maður.

Menn verða að þekkja sín takmörk.

[Óskar Þ. G. Eiríksson (IP-tala skráð) 21.6.2007 kl. 14:25]

Ég er samála ná frænda mínum Helga Pálssyni frá Fossi á Síðu að frekar hafi nú verið fátt um fína drætti í þeim efnum hjá söngfólki í Mosfellsbæ. Þeir hafa nú ekki hingað til verið þekktir fyrir söng. Helgi varst þú ekki um tíma í Vestur Skaftfellska kórnum, Það er eins og mig rámi í það.

Ertu að tala um séra Ingólf? Hann þykir ágætur tónari, það virðist liggja síður fyrir kvenþjóðinni að tóna. Það vill oft verða hjáróma ég er sammála þér í því.

Óskar Þ.G. Eiríksson.

[HP Foss, 23.6.2007 kl. 17:38]

það eru tvö ell í skaftfellskur, Hjössa mín og kórarnir eftir því.