Huglæga matið reyndist best í Álafosskvos

Það var mikið deilt á mig og Vinstri græn í Mosfellsbæ fyrir afstöðu okkar vegna fyrirhugaðrar tengibrautar í Helgafellshverfi. Það sem mest fór í taugarnar á Samfylkingunni og félögum þeirra í Varmársamtökunum fyrir utan meirihlutasamstarfið var huglæg afstaða mín til tengibrautarinnar.

Ég sagðist ekki þurfa neitt nema mitt huglæga mat til þess að vera viss um hvaða leið væri best, allra hluta vegna. Stór orð eins og:

• Hernaður gegn náttúru landsins!!!
• Eru Vinsri-græn vinir Varmárinnar?!!!
• Grænt ljós á umhverfisslys í hjarta Mosfellsbæjar!!!
• Umhverfisspjöll í Mosfellsbæ!!!
• Valtað yfir lýðræðið!!!
• Tvískinnungur Vinstri-grænna í umhverfismálum!!!

og svo mætti lengi telja. Allt voru þetta orð sem voru notuð óspart hjá Samfylkingunni og félögum þeirra í Varmársamtökunum ásamt mörgu öðru sem er ekki við hæfi að setja á prent. Ég stóð á því fastar en fótunum að fyrirhuguð leið, eftir þær breytingar sem á henni hafa verið gerðar undanfarið ár, væri sú besta fyrir umhverfið og flesta bæjarbúa.

Nú liggur fyrir ný umhverfisskýrsla um mat á umhverfisáhrifum sem gefur til kynna að sú leið bæjaryfirvalda sem fyrirhuguð er hefur minnst áhrif á umhverfið og er talin best af þeim kostum sem skoðaðir voru og eru mögulegir í hið nýja Helgafellshverfi.

Virðingarfyllst, Karl Tómasson.

Athugasemdir

[Guðmundur H. Bragason, 26.5.2007 kl. 12:24]

Og vonum við að í kjölfarið verði ekki minnst meira á þessi Tengibraut

Yfir og út 

[Inga frænka (IP-tala skráð) 26.5.2007 kl. 23:50]

Til hamingju Kalli minn.

[Ingvar Valgeirsson, 28.5.2007 kl. 18:23]

Seint get ég nú talist vinstrikall, hvað þá grænn vinstri kall, en miðað við hvað ég hef heyrt, séð, lesið og orðið var við í tengslum við þetta mál allt þá verð ég að lýsa yfir stuðningi minn við þig og þitt fólk í þessu máli. Bæði get ég ekki séð að um nein teljandi umhverfisspjöll sé að ræða, heldur eðlilega uppbygginu á vaxandi bæjarfélagi, og auk þess hefur framganga sumra aðila í þessu máli verið hálfviðurstyggileg.

Stattu þig bara áfram, kallinn minn.

[Halldór Egill Guðnason, 28.5.2007 kl. 23:04]

Huglægt mat er það eina sem okkur er gefið. Hvernig ætti maður annars að leggja mat á hluti? Þegar upp er staðið er það sennilega verðmætasta auðlind hvers og eins okkar. Að virkja það er erfitt, að nota það er vandasmat, að fá það samþykkt er oft enn erfiðara. Þegar fram líða stundir er það þó eini mælikvarðinn á verk okkar. Amen og ekki orð um það meir. Loka"komment" um tengibraut. Gott að búa í Mosó.

[Halldór Egill Guðnason, 28.5.2007 kl. 23:06]

Áttirðu virkilega aukamiða á tónleikana í gær sem féll niður dauður? Jedúddamía.

[Karl Tómasson, 28.5.2007 kl. 23:44]

Heil og sæll öll sömul og takk fyrir kveðjurnar.

Sæll Halldór, hjá mér ert þú aldrei kallaður annað en tengdapabbi.

Já ég skammast mín fyrir að hafa ekki farið á tónleikana í gær. Uriah Heep eru mín gömlu átrúnaðargoð og það var ótrúleg upplifun fyrir okkur Gildrufélaga að hita upp fyrir þá þegar þeir komu til landsins 1988. Því gleymi ég aldrei.

Ég átti ekki bara miða heldur var okkur Gildrumönnum einnig boðið að vera með þeim félögum baksviðs.

Bestu kveðjur frá Kalla Tomm.

[HP Foss, 29.5.2007 kl. 00:33]

Til hamingju Mosfellingar 

Það er gott að niðurstaða er fengin í þetta mál, umhverfisskýslan er komin og tekur af allan vaaf um hvar vegir í Helgafelsslandið skulu liggja. Í skýrslunni er tillaga 2 talin sú sem best er, tillaga no 5, tillaga Varmársamtakanna, hins vegar sú sem síðast skuli velja, af þeim sem eru til skoðunar í skýrslunni.

Það er  nú bara einu sinni þannig að það eru ekki allir sem geta komið auga á bestur leiðirnar, kannski blindaðir af eigin hagsmunum.

Vinur minn til margra ára, einn sá traustasti sem ég þekki, sá þetta hinsvegar sjálfur eins og komið hefur fram. Er það til marks um framsýni Kalla og ótrúlegt innsæi í samspil náttúru og hins manslega í Mosfellssveit.

Enginn þarf að efast um heilinda Kalla í þessu máli, frekar en öðrum.

Kveðja
Helgi Pálsson.

[Jón Þórarinsson (IP-tala skráð) 1.6.2007 kl. 04:40]

Ég get ekki séð að þessi vegur sé neitt annað enn umhverfisvá og þá er ekki kominn úrskurður frá skipulagsstofnun um þennan veg, afhverju er Mosfellingum ekki boðið að kjósa um vegastæðið? Svo mætti gjarnan skipta Íhaldinu út fyrir Frjálslynda eða Íslandshreyfingunna, vel á minnst þú sagðir sjálfur að Íhaldinu hefði verið hafnað í kosningunum 2006.

Bestu kveðjurJón Þórarinsson