Topp 100 á fimm dögum

Aldrei hefði ég trúað því hvað það er gaman að blogga. Á blogginu skiptist maður á skoðunum við fólk sem að margt hvert maður hefur aldrei átt samskipti við. Hittir á gamla kunningja, fær hlýjar kveðjur, meira að segja frá fólki sem átti samskipti við pabba og mömmu og afa og ömmu. Þetta er bara gaman. Auðvitað er þetta allt saman mis gáfulegt og ég ákvað það strax í byrjun að hafa það þannig líka. Ég ætla að halda ótrauður áfram og reyna að hafa eins gaman af og ég mögulega get. Markmið mitt í upphafi var nú ekki að ná einhverju sæti á vinsældarlista, vissi ekki einu sinni að hann væri til. En þegar góður vinur minn hringdi í mig og benti mér á að eftir fimm daga blogg mitt væri ég kominn á topp 100 geri ég vart annað en að tékka á stöðunni. Ég er nr. 107 núna. Bloggið fær mig oft til að hlæja og ég hef gaman að því. Hláturinn lengir lífið. Lifið heil.

Kær kveðja. Kalli Tomm.

Athugasemdir

[Ingvar Valgeirsson, 15.4.2007 kl. 19:57]

Jú, popparar og stjórnmálamenn eru vinsælir í bloggheimum. Þar sem þú ert hvort tveggja gat þetta ekki klikkað!

Hafðu það sem allra best.

[Karl Tómasson, 16.4.2007 kl. 01:14]

Heill og sæll Ingvar minn.

Þú ert nú eitt dæmið um gamlan kunningja sem að maður hittir á blogginu og hefur ekki heyrt í lengi. Gangi þér allt í haginn minn læri.

Kær kveðja. Kalli Tomm.

P.s. Það er enn tækifæri til að sjá Paul Mc, þú veist það. Ég sagði við konu mína þegar við fórum á tónleikana með honum að ég hefði áhyggjur af því að ég myndi fara að gráta þegar hann tæki The long and winding road. Ég fór að gráta um leið og hann tók fyrsta lagið og skammaðist mín óskaplega fyrir aumingjaleikinn. Svo keyptum við dvd diskinn og horfðum á. Í dag skammast ég mín ekkert. Það voru allir grenjandi. Þetta er með ólíkindum.

Kær kveðja gamli félagi. Kalli Tomm.

[Ingvar Valgeirsson, 16.4.2007 kl. 01:31]

Bévítans væluskjóður eru þessir vinstri menn... híhí.

Ég myndi reyndar væla sem versta kerling (nú verður Sóley Tomm örugglega brjáluð) ef ég kæmist á Rush-tónleika. Fór næstum því að grenja á Duran í Lundúnahreppi um árið.

[Jens Guð, 16.4.2007 kl. 03:14]

  Bloggið er fljótt að hlaða utan á sig.  Ég byrjaði að blogga fyrir 2 mánuðum.  Fyrstu dagana voru heimsóknir bara 10,  20.  Ég horfði öfundaraugum til þeirra sem voru með 100 heimsóknir. 

  Heimsóknum fjölgaði reglulega um nokkrar á dag.  Ég man ekki hvenær þær náðu hundraðinu.  En þá varð ég glaður.  Svo fjölgaði þeim - ennþá hægt og bítandi - í 200.  Síðan 300 og loks 400.  Í dag fara þær ætíð yfir 1000. 

  Lykillinn er að blogga daglega.  Ég fer reglulega daglegan bloggrúnt.  Ef einhver á þeim bloggrúnti bloggar ekki daglega dettur viðkomandi fljótlega út - nema ef ég þekki viðkomandi þeim mun betur.

  Það sem mér hefur þótt svo gaman við bloggið er að rekast á gömul skólasystkini eða gamla vini.  Fólk sem ég hef ekki hitt í áratugi.  Svo bara allt í einu fylgist ég með þeim daglega.  Í gegnum blogg þeirra frétti ég af fjölskylduhögum þeirra og öðru daglegu stússi.

  Svo rífst ég um pólitík,  trúmál,  músík og fleira á hinum ýmsu bloggsíðum.  Ég þarf samt að passa upp á að verja ekki meira en 20 mínutum hámark á dag í bloggheimsóknir og færslur.  Það er auðvelt að missa sig í þessu.   

[Jens Guð, 16.4.2007 kl. 03:15]

Ingvar,  fórstu næstum að grenja þegar þú áttaðir þig á hvað Duran er ömurlegt fyrirbæri?

[Herdís Sigurjónsdóttir, 16.4.2007 kl. 11:53]

Ég vissi ekki af þessum vinsældarlista fyrr en nýlega og var í topp 100 fyrir landsfund og fór í smá pásu ... en var svo komin í 150 þegar ég mætti í blogg"vinnuna" á mánudagsmorgni ...hvernig verður þetta þegar ég fer að vinna aftur .... Það er rétt hjá þér Jens tíminm flýgur á blogginu og er það allt í lagi þegar maður hefur ekkert annað að gera, en ætli það séu til blogg-fíklar ... en ætli það sé ekki best að snúa sér aftur að skólabókunum.

[HP Foss, 16.4.2007 kl. 22:06]

uss, ég er lítð fyrir að fá fólk í heimsókn. Sérstaklega ef það vill kaffi.

[Jens Guð, 18.4.2007 kl. 01:00]

  Herdís,  það á ekki og má ekki vera keppikefli að skora hátt á Topp 400 eða Topp 50.  Þetta er eins og með músíkina.  Bitastæðasta músíkin er ekki sú sem skorar hæst á vinsældalistum. 

  Ég hef í mörg ár skipst á daglegum tölvupósti við bræður mína,  systrasyni og fleiri.  Þetta hefur verið #reply to all" dæmi.  Við höfum "komminterað" á eitt og annað sem okkur er hugleikið varðandi músík,  stjórnmál og fleira.  Ég færði mín innlegg yfir á bloggið.  Þegar ég les eitthvað sem mér þykir umhugsunarvert eða áhugavert í fjölmiðlum þá deili ég því með öðrum.  Það er bara gaman að fleirum þyki gaman að lesa það en ættingjar og vinahópurinn.

  Ég er fréttafíkill.  Kaupi mikið af erlendum blöðum og rekst oft á eitthvað sem ekki ratar í íslenska fréttamiðla.  Eins og sést á eldri bloggum mínum er ég sérlega áhugasamur um hvað er um að vera í færeyskri músík.  Mér þykir gaman að miðla upplýsingum úr þeirri átt.  En það er full ástæða til að vera á varðbergi gagnvart því að eyða ekki miklum tíma á netinu.  Ég dreg línuna við 20 mín.  á dag.