Jón Gnarr er snillingur og mannvinur

Velgengni og athygli virðist því miður alltaf þurfa að fylgja öfund, afbríðisemi og jafnvel heift í garð þeirra sem hennar njóta.

Ég verð að segja eins og er að ég á ekki orð yfir þeim skrifum og athugasemdum sem um borgarstjórann okkar Jón Gnarr eru oft á tíðum látin falla, ef ég skrifaði slík ummæli um einhverja manneskju hér á bloggið mitt myndi marga reka í rogastans en allt virðist vera heimilt á feisinu og í kommentakerfinu víða.

Þetta eru oft á tíðum glórulaus skrif sem ganga svo langt yfir allt velsæmi og virðast látin óáreytt, í það minnsta eru þau ekki fjarlægð.

Jón Gnarr er snillingur á fleiri sviðum en einu, tveim eða þrem, hann er náttúrusnillingur en fyrst og fremst mikil manneskja. 

Nú er réttindabarátta samkynhneigðra að ná hæstu hæðum og loks farin að fá þá athygli sem eðlilegt er og hefur Jón Gnarr borgarstjóri ekki legið á sínu liði í þeirri baráttu.

Fjöldi fólks rís nú upp á afturlappirnar kolvitlaust með athugasemdir vegna þeirrar athygli sem sú réttindabarátta nú nýtur og oft með hræðilega niðrandi skrifum sem eru náttúrulega fyrst og síðast og þegar öllu er á botninn hvolft þeim hinum sömu til mikillar smæðar.

 

 

Athugasemdir

[Hilmar Hafsteinsson (IP-tala skráð) 11.8.2013 kl. 23:50]

Með fullri virðingu Karl Tómasson. Hinsegin dagarnir svonefndu voru settir í fimmtánda skipti síðasta þriðjudag. Það vill svo til að þeir náðu mætavel að þroskast og dafna framan af án stjörnuhlutverks núverandi borgarstjóra.

Jesús þinn Gnarr hefur hins vegar næmt auga fyrir möguleikum á að stela senunni, enda þaulreyndur uppistandari. Hann hefur purrkunarlaust nýtt sér Hinsegin daga á ferli sínum sem borgarstjóri til að hlaða undir eigið Egó - nokkuð sem sá krossfesti hefði aldrei látið spyrjast um sig.

[Karl Tómasson, 12.8.2013 kl. 00:25]

Ég vona að ég skylji fullkomlega þín skrif Hilmar.

Jón Gnarr var semsagt bara að reyna að vekja athygli á sjálfum sér, ekkert á neinu öðru af þínu mati.

[Karl Tómasson, 12.8.2013 kl. 00:38]

Í réttindabaráttu ert þú glataður pappír Hilmar ef þú heldur áfram sem horfir.

Öfund og afbrýðissemi eru slæmir fylgifiskar, það var nákvæmlega það sem ég var að skrifa um.

[Jósef Smári Ásmundsson, 12.8.2013 kl. 15:05]

Jón Gnarr er góður drengur.Jesús líka.Báðir mjög áberandi.Jesús lét reyndar alltaf fylgja með góðgjörðunum til lærisveinanna að segja ekki nokkrum lifandi manni frá þessu þótt hann vissi það að sjálfsögðu að það myndi virka öfugt.Það myndi Jón Knarr aldrei gera.