Bara ef ég hefði haft myndavél

Fyrir utan glugga á heimili mínu eru tvö stór reynitré og nýlega hengdi ég fuglamat í þau. Þetta voru litlar kúlur sem ég fékk í Europrise.

Til þess að koma kúlunum upp í tréð þurfti ég að beita nokkrum tilþrifum. Ég setti hringlaga vír á kúluna og útbjó langt prik til að teygja mig í tréð.

Viti menn, um leið og ég gerði mig líklegan til að hengja kúlurnar í tréð settust tveir fuglar á kúlurnar og byrjuðu að éta, þeir voru í c.a. 20 cm fjarlægð frá mér þessi litlu fallegu fuglar og virtust algerlega óhræddir. Sennilega voru þeir svona glorhungraðir. Þetta var mögnuð sjón.

Munum eftir smáfuglunum.

Athugasemdir

[Óskar Þorkelsson, 10.2.2011 kl. 09:55]

ég er mep svona kúlur úti í garði og koma smáfuglarnir reglulega að morgni dags til að kroppa..

einnig fá krákurnar mínar (pica pica) smá kjötbita og brauð daglega :)

[Úrsúla Jünemann, 10.2.2011 kl. 13:58]

Það er mjög gaman að gefa fuglunum í garðinum sínum og fylgjast með. Flestum fuglum finnst mjög gott að borða haframjöl sem er búið að velta í bræddu smjörlíki. Þetta er orkuríkur matur sem þeir þurfa að fá. Smáskorið feitt kjöt er einnig gott. Og svo epli og perur, þá koma stundum silkitoppar sem vilja helst ávextir.

[Ásthildur Cesil Þórðardóttir, 11.2.2011 kl. 08:21]

Sé þig fyrir mér standandi með prikið í hendi og tvo fugla étandi fyrir ofan hausinn á þér

[Sigurður Hreiðar, 11.2.2011 kl. 11:40]

Fín mynd. Hvað heitir svona fugl?

[Óskar Þorkelsson, 11.2.2011 kl. 12:08]

mér sýnist þetta vera sólskríkja/snjótittlingur

[Karl Tómasson, 11.2.2011 kl. 19:15]

Sæl verið þið öll kæru vinir og takk fyrir komuna til mín.

Ágæti Sigurður Hreiðar, nú veit ég ekkert hvaða fugl þetta er á þessari fallegu mynd en verðum við ekki að treysta á að Óskar fari með rétt mál.

Bestu kveðjur frá Kalla Tomm.

[HP Foss, 12.2.2011 kl. 20:57]

Stefnuljós til þín og hinna fuglanna.