Ómar Ragnarsson. JÁ!!!!!!!!!

Friðrik Weisshappel, veitingamaður í Kaupmannahöfn, hefur stofnað Facebook-síðu þar sem hann hvetur fólk til að gefa Ómari Ragnarssyni eitt þúsund krónur í sjötugs afmælisgjöf sem þökk fyrir ómetanleg störf í þágu íslenskrar náttúru.

Frábært framtak sem vonandi flestir taka þátt í.

Ómar Ragnarsson er engum líkur, það er ómetanlegt hvað hann hefur gert fyrir okkur alla íslendinga og náttúru okkar. 

Athugasemdir

[Grefill (IP-tala skráð) 16.7.2010 kl. 23:17]

Já, ég ætla rétt að vona að þjóðin vilji heiðra þennan sómamann með góðum peningastyrk sem gerði honum kleyft að halda áfram með myndina sína. Ómar á allt það besta skilið frá þjóðinni enda hefur hann aldrei gefið henni neitt nema hið allra besta.

Frábær tillaga ... ég mun gera mitt til að afla henni fylgis. Hvenær á Ómar afmæli annars?

[nolli í køben (IP-tala skráð) 17.7.2010 kl. 02:06]

Getur Frikki ekki bara gefið 1000kall á kjaft fyrir ykkur þarna uppi þrengda Frónverja - han mergsýgur jú okkur baunverjana hér í Danaveldi með útþynntu 2´nd Class kaffi sem oft mætti halda að væri upphitaður "GulurBragi" svo nóg þénar hannn nokk!

[Grefill (IP-tala skráð) 17.7.2010 kl. 02:11]

Ekki tala illa um GulanBraga. Það kann ekki góðri lukku að stýra.

[doctore (IP-tala skráð) 17.7.2010 kl. 16:17]

Ég legg til að Ómar verði síðasti forseti íslands... eftir hann þá leggjum við forsetaembættið niður.

[Vilhjálmur Örn Vilhjálmsson, 17.7.2010 kl. 17:06]

Miðað við það sem Weisshappel, afkomandi pulsugerðameistara í Austurríki, hefur styrkt hér í Danmörku og hreykir sér af, þá eru smáaurar til Ómars hið besta mál. Hann ætti að láta Dani borga í þessa söfnun.

Tek undir með Nolla. Bæði skiptin sem ég fór á kaffihús pulsugerðarmeistarans, var kaffið vont og þjónustan léleg.

[Ben.Ax. (Benedikt Jóhannes Axelsson), 17.7.2010 kl. 18:17]

Ekki veit ég hvað ég gæti gert við 320 milljónir.

[Grefill (IP-tala skráð) 17.7.2010 kl. 19:19]

Vilhjálmur Örn: Þitt svartsýna og neikvæða útsýni yfir heima og menn gera það að verkum að það eina sem þú færð til baka er vont og lélegt.

[Halldór Egill Guðnason, 19.7.2010 kl. 02:05]

Undarlegt hvað íslendingar í Köben geta verið leiðinlegir og samansaumaðir. Ætli það tengist eitthvað því hvaðan þeir þyggja salt í grautinn...., nei ég svona bara spyr. Ómar Ragnarsson á ekki að þurfa að lepja dauðan úr skel framar. Hann hefur þegar gert nóg af því, en ávallt staðið keikur og haldið áfram. Þó blankir samlandar í Köben kvarti yfir kaffinu hjá Weisshappel, mun Ómars verða getið í öllum bókum framtíðarsagna Íslands, sem einum mesta eldhuga sem uppi hefur verið á meðal vor. Þó hann fengi 320 millur inná "kontóinn" sinn, héldi það ekki fyrir mér vöku, þó það virðist þvælast fyrir Ben. Ax. Það Á að gera góðar heimildarmyndir um það sem að okkur snýr og skiptir okkur máli. Vandinn er hins vegar sá, að þeir sem mestan eiga aurinn, leggja yfirleitt minnst af mörkum, því það hentar þeim ekki, eða getur hreinlega skaðað þá. Tuðarakvikyndið mun glaður taka þátt í afmælisgjöf til Ómars Ragnarssonar og vonar að sem flestir fylgi með. TIL HAMINGJU MEÐ AFMÆLIÐ, ÓMAR RAGNARSSON.

Hvar á maður annars að leggja inn?

[Ásthildur Cesil Þórðardóttir, 22.7.2010 kl. 08:17]

Sammála Ómar er flottur.