Strákurinn á forsíðu

Nýlega bárust fréttir um það í fjölmiðlum að íslenski fjárhundurinn hafi loks verið samþykktur sem einstakt og hreinræktað hundakyn sem á engan sinn líkan á heimsvísu. Úrslitavald í þessum hreinræktunar dómsstóli er í höndum einhverrar stofnunar út í heimi. Þessar fréttir heyrði ég og hafði vissulega gaman af, enda mikill hundaáhugamaður og ekki síst gamla íslenska fjárhundsins.

Fyrir ári síðan eignuðumst við fjölskyldan íslenskan fjárhund sem heitir Tryggur. Hann var þá rúmlega fimm ára. Þetta fyrsta ár sem Tryggur hefur verið hjá okkur hefur verið lærdómsríkt og skemmtilegt, hann er sérlega ljúfur og góður og bókstaflega skilur íslensku. Hann er mikill og sterkur karakter sem við höfum þurft að læra inn á, rétt eins og hann okkur og það gengur allt vel.

Ég fékk kostulega hringingu um síðustu helgi. Nú hefur verið ákveðið að birta mynd af íslenska fjárhundinum á forsíðu eins stærsta hundaræktarblaðs sem gefið er út á heimsvísu vegna þessara týðinda um íslenska fjárhundinn og hefur verið sóst eftir mynd af Tryggsanum okkar á forsíðu blaðsins.

Þetta er vissulega gaman og spennandi en heilmikið mál ef marka má allar serímóníurnar sem á undan eru gengnar og þarf að ganga í gegnum hvað varðar öll höfundarréttarlög eins og kananum er einum lagið.

Það verður spennandi að sjá þetta stóra blað þegar það kemur út með okkar einstaklega ljúfa, skemmtilega og fallega Trygg á forsíðunni.

 

Athugasemdir

[Óskar Þorkelsson, 16.7.2010 kl. 05:41]

flottur hundur hann Tryggvi :)

En rólegur í að segja að íslenski fjárhundurinn sé einstakur á heimsvísu.. það finnast ótrúlega margar hundategundir á heimskautasvæðum sme eru ekki ósvipaðir þeim íslenska.. og íslenski hundurinn er ekki sérstaklega fjárhundur heldur er hann "spisshund" eða afkomandi sleðahunda sem algengir eru á heimskautasvæðum skandinavíu og rússlands.

íslenski hundurinn er sérstakur fyrir íslendinga..  enda ræktaður í danmörku :)

[Óskar Þorkelsson, 16.7.2010 kl. 05:44]

hér er td finnskur spets..

http://www.nsfn.no/

sænskur spets

http://www.hunderaser.org/norrbottenspets

og sá íslenski

http://www.dyrewebben.no/faktasidene/hund/temaer/raser/islandsk_faarehund.htm

[Jóna Á. Gísladóttir, 16.7.2010 kl. 12:40]

Hann er dropp dedd gordjöss strákurinn ykkar Kalli minn. Til hamingju með hann

[Vilhjálmur Örn Vilhjálmsson, 16.7.2010 kl. 15:18]

Vúff Óskar, hann heitir Tryggur. Hesturinn hans Roy Rogers heitir Trigger en Tryggvi má vart hundur heita.

Annars finnst mér Karl frekar kaldur að sýna loðinn strák sinn svona á forsíðu.

[Karl Tómasson, 16.7.2010 kl. 21:46]

Takk fyrir komuna kæru bloggvinir.

Óskar, vissulega er hinn íslenski fjárhundur ekkert einstakari en önnur hundakyn, þetta var klaufalega orðað hjá mér og í raun átti það aldrei að vera meining mín.

Samt eru allir einstakir þegar upp er staðið, ekki rétt?

Það er svolítið sérstakt að eignast fullorðin hund, þá þarf maður að læra inná þarfir hans og hegðun á allt annan hátt heldur en þegar maður eignast hann sem hvolp.

Það er erfitt að kenna gömlum hundi að sitja en það er hægt. Við höfum séð það og nú kynnst með Trygg okkar.

Jóna mín Á Gísla, gaman að sjá þig og heyra frá þér.

Vilhjámur, á ég ekki að kaupa gullkross á bringuna á Tryggsa?

Bestu kveðjur úr Mosó frá Kalla Tomm.