Kærar þakkir fyrir stuðninginn

Bestu þakkir vil ég senda ykkur öllum sem stóðuð við bak okkar Vinstri grænna í Mosó fyrir frábærann stuðning í nýafstöðnum kosningum.

Við fórum mjög óhefðbundna leið í þessari kosningabaráttu. Við bönkuðum ekki á dyr heimila, stóðum ekki fyrir utan Bónus, Vínbúðina og Krónuna að dreifa áróðri eða gefa gjafir, hringdum ekki eða fórum í vinnustaðaheimsóknir.

Við lögðum störf okkar síðustu fjögur ár algerlega í hendur kjósenda. Með öðrum orðum reyndum ekki að sækja atkvæði, heldur fá þau ef við áttum þau skilin.

Útkoman var vissulega stórsigur fyrir okkur og enn og aftur þökkum við þann mikla stuðning sem við fengum.

Takk fyrir okkur. Bestu kveðjur frá Kalla Tomm.

Athugasemdir

[Ásthildur Cesil Þórðardóttir, 1.6.2010 kl. 09:56]

Til hamingju með það Karl minn.

[Guðjón Sigþór Jensson, 1.6.2010 kl. 18:15]

Hógværðin einkenndi mjög kosningarundirbúning Vinstri grænna. Mættu aðrir taka okkur til fyrirmyndar í þessum efnum.

Kannski voru það afdrifarík mistök að Sjálfstæðisflokkurinn náði 4ða manninum inn á kostnað Samfylkingar. Að mörgu leyti er það skiljanlegt, Sjálfstæðismenn í Mosfellsbæ hafa áttað sig á því að bankahrunið hefur gefið tilefni að fara varlega í öllu sem viðkemur rekstri bæjarfélagsins. Samfylkingin sér á eftir sínum manni en svo virðist að klofningur hafi orðið í flokknum og nýr flokkur sem kennir sig við íbúalýðræði komi þar við sögu. Þar mun ein fjölskylda vera kjarninn í þessum flokki og það verður óneitanlega spennandi að fylgjast með hvernig þeir muni fóta sig í mjög hefðbundnum störfum við stjórn sveitarfélagsins.

Og Framsókn tapaði sínum manni, var það kannsi ekki vegna barnslegrar ofurtrú á að unnt væri að afla umdeildum flokki fylgi með því að senda krakka bílandi um bæinn, baulandi einhverja vitleysu í gjallarhorn sem flestir myndu sjálfsagt skammast sín fyrir. Og þetta endemis mál með Kaupfélagið er vægast sagt furðulegt Af hverju er félagið ekki leyst upp, þegar það hefur ekki á stefnuskár sinni að þjóna lengur Mosfellingum og Kjalnesingum. Nú virðist að eitthvað braskfyrirtæki tengist KKÞ. Hvað er í gangi hjá Framsóknarflokknum? Er hann kominn á leiðarenda? Sjálfsagt hefði mátt afhenda eftirlátnar eigur Kaupfélagsins til menningarmála eða samneyslu fremur en að þvð væri hugsanlega vettvangur nýrrar spillingar.

Við verðum að vona það besta. Aðstandendur Kaupfélagsins sáluga gætu séð að sér og látið gott af sér leiða með því að veita sjóðnum til samneyslu og draga þar með úr eðlilegri tortryggni í þeirra garð.

Mosi

[HP Foss, 2.6.2010 kl. 22:53]

Til hamingju með þetta Kalli.