Tónleikar sem við gleymum aldrei

Tónleikar okkar félaganna í Gildrunni í gær munu aldrei nokkru sinni renna okkur úr minni. Andrúmsloftið og stemningin í Hlégarði var hreint stórkostleg. Við félagarnir erum innilega þakklátir og bókstaflega hrærðir.

Hljómsveitarmeðlimir heimsóttu okkur Línu í dag ásamt eiginkonum og að sjálfsögðu var gærdagurinn og tónleikarnir okkur efst í huga. 

Við getum seint þakkað öllum okkar góðu vinum sem hafa staðið svo þétt við bak okkar um áratuga skeið. Við þökkum einnig öllu því góða fólki sem troðfyllti Hlégarð með einstaka strauma í okkar garð.

Takk fyrir okkur.

Hér koma nokkrar myndir af síðustu æfingunni fyrir tónleika.

 

 

3. maí 2010

Hér koma myndir af tónleikunum.

Alsælir í pásu í góðum félagsskap.

Eftir tónleikana

 

 

 

Athugasemdir

[Hanna Símonar (IP-tala skráð) 2.5.2010 kl. 21:03]

Takk sömuleiðis Kalli minn enn og aftur, þetta kvöld var í einu orði sagt magnað!  Það var frábærlega gaman að sjá í gær, fjölmarga þá sem komu að fyrsta samstarfi Gildrunnar og Aftureldingar, þessi hópur hefur fylgst að í gegnum árin og alltaf sami krafturinn í kringum hópinn. Samstarfið fagnar nú 10 ára afmæli, það væri nú ekki úr vegi að fagna þeim tímamótum með RISA dansleik “Í túninu heima” Gaman að sjá myndirnar af ykkur, alltaf flottir, en koma ekki myndir úr salnum á facebook síðuna ykkar? Takk fyrir ógleymanlega tónleika, bestu kveðjur yfir til ykkar Hanna og Einar

[Sigurgeir Sigmundsson (IP-tala skráð) 3.5.2010 kl. 11:12]

Þetta var algerlega ógleymanlegt og gaman að fá að spila gömlu meistaraverkin aftur með góðum félögum. Hér kemur slóð á Facebook síðu Gildrunnar.

http://www.facebook.com/#!/pages/Gildran/117874914893638?ref=ts

Sigurgeir

[steinimagg, 3.5.2010 kl. 22:09]

Ég veit nú bara ekkert hvað ég á að segja, frábært, snilld, mér bara dettur ekkert nógu magnað í hug.

[Ásthildur Cesil Þórðardóttir, 4.5.2010 kl. 18:19]

Vildi að ég hefði verið þarna, hefði skemmt mér konunglega.  Takk fyrir myndirnar, þær eru sárabót og svo lögin sem spiluð hafa verið í útvarpinu undanfarið.