Betra er ólofað en illa efnt

Við höfum haft þann háttin á fjölskylda mín, að með steikinni á páskadag, fá allir lítið páskaegg og les hver fjölskyldumeðlumur hátt og snjallt sinn málshátt.

Ég sagði við mitt fólk áður en eggin voru opnuð að lokinni veislumátíðinni, að nú væri klárt að málsháttinn ætti hver og einn að taka sérstaklega til sín. Honum fylgdu skýr skilaboð til viðkomandi.

Viti menn, hvaða málshátt haldið þið að pólitíkusinn hafi fengið? Betra er ólofað en illa efnt.

Nú í upphafi kosningarbaráttunnar er eins gott að standa sig og lofa engu sem ekki er hægt að standa við.

Athugasemdir

[Halldór Egill Guðnason, 6.4.2010 kl. 04:07]

Lofa sem minnstu og eiga thannig ávallt eitthvad inni. Ad ólofad sé betra en illa efnt, tja....veltur svolítid á thvi hvort thad litla sem lofad var, var efnt. Slaem tík, pólitíkin.

[Sigurður Hreiðar, 6.4.2010 kl. 10:19]

Alltaf gott að fá eitthvað til að hugsa um. En -- betra ólofað en illa efnt? Mundu bara að lofa engu um tímasetningu. Þá getur þú lengi staðið á því að þetta komi bara dulítið seinna.

[Jón Steinar Ragnarsson, 6.4.2010 kl. 13:07]

Skemmtilegur siður þetta við borðhaldið. Málshátturinn hefur varla orðið til að ástæðulausu og það kæmi mér ekki á óvart að það hafi tengst stjórnmálumá sinni tíð.  Ég held að það sé affarasælt að lofa hóflega, en kynna samhliða því ákveðna framtíðarsýn og langtímamarkmið, sem stefna má að. Þá er best að loforðin falli að því samhengi svo fólk sjái að það sé áfangi á leið til einhvers betra.

Annars held ég að fáir mættu taka þetta til sín meira en VG, eftir öll þau drottinsvik, sem á undan eru gengin. Ragnar Reykás bikarinn fer til þeirra í ár, þrátt fyrir harða samkeppni Samspillingarinnar.

[Jón Steinar Ragnarsson, 6.4.2010 kl. 13:11]

Sérstaka viðurkenningu má svo veita þeim fyrir heimsmet kúvendingu án atrennu innanhúss.  Met sem örugglega á eftir að standa lengi.

[Karl Tómasson, 6.4.2010 kl. 23:45]

Sælir kæru bloggvinir og takk fyrir komuna til mín.

Halldór gaman að heyra frá þér. Ég var að frétta að þú værir að koma heim. Afmælisveisla barna okkar var laglega flott og skemmtileg og mikið hefði verið gaman að hafa þig með. Hvað varðar pólitíkina þá getur hún jú vissulega á stundum verið óttaleg tík.

Sigurður Hreiðar gaman að sjá þig aftur eftir nokkurt hlé. Jú, það er vissulega rétt að vara sig á tímasetningum.

Jón Steinar. Ég er svoddan innansveitarkrónikuKarl að ég hugsa um fátt annað. Vissulega eru erfiðir tímar hjá mörgum pólitíkusum núna, það er klárt.

Bestu kveðjur úr Mosó frá K. Tomm.

[Jón Steinar Ragnarsson, 7.4.2010 kl. 07:28]

Já, sennilegast tilheyrir þú órólegu deildinni í flokknum, sem ég held að þorri manna kunni að meta.  Ég vona bara að þetta gangi vel hjá ykkur, en eins og ég segi, þá er mikilvægast að loforðin sýni að verið sé að taka skref a einhverju framtíðarmarkmiði en séu ekki svona sælgætismolar til að kaupa tímabundna velvild. Að menn sýni að þeir hafi hugsjónir fyrir bæinn sinn og sé annt um framtíð hans en séu ekki bara að tryggja sér þægilega innivinnu eins og maður segir. Hef það svolítið á tilfinningunni að það sé málið, þar sem ég bý, enda er fólk alvarlega farið að tala um að fara að yngja upp i því trénaða liði.