Rimman um forsetann

Það hefur verið í nógu að snúast hjá atvinnu- og áhugamönnum um forsetaembættið undanfarna daga að skrifa og spekúlera, enda engin furða.

Því er ekki að neita að dramatíkin hefur á köflum verið svakaleg í þeim ummælum öllum og umræðu.

Einn mesti og dyggasti aðdáandi og áhugamaður um forsetaembættið s.l. 14 ár, Hannes Hólmsteinn Gissurarson, segir á síðu sinni í nýlegri grein:  

"Ég reyndist ekki sannspár um það, að Ólafur Ragnar Grímsson myndi staðfesta lögin um Icesave-samningana, þótt ef til vill hefðu eggjunarorð mín og nokkurra annarra áhrif á það, að hann synjaði þeim staðfestingar"

Úr þessum skrifum Hannesar má ekki skilja annað en að hann hafi átt þátt í ákvörðun forsetans.

Ekki er mér kunnugt um hvort Hannes Hólmsteinn hafi lagt Ólafi, klappstýru, Ragnari Grímssyni, orð í munn fyrir viðtalsþættina tvo sem hann fór í á dögunum, öðrum þeirra hjá gjammandi Jeremy Paxman, sem átti sér ekki viðreisnar von gegn Ólafi og hinum á fréttastofu Bloomberg. Við fáum eflaust fréttir af því hjá Hannesi síðar.

Frammistaða forsetans var mögnuð í þessum þáttum tveim og mikið var ég ánægður með klappstýruna eins og margir hafa kosið að kalla hann og þeir hinir sömu klappa nú linnulaust fyrir.

Ég veit ekki hvort ég geti treyst því að Hannes Hólmsteinn eigi þátt í þessu öllu og vil því síður klappa fyrir honum strax, rétt eins og mörgum skrifum sem hafa sullast upp úr pennum lýðræðissinnana í Samfylkingunni undanfarna daga.

Athugasemdir

[Karl Tómasson, 9.1.2010 kl. 07:49]

Kæru bloggvinir og aðrir gestir.

Ég vil vekja athygli á nýrri skoðanakönnun hér hjá mér, efst upp í hægra horni. Endilega takið þátt.

Niðurstaða þeirrar síðustu var nokkuð afgerandi.

Spurningin var eigum við að borga Icesave?

Kjósendur voru 314

Já sögðu 23,6%

Nei sögðu 76,4%

[Þórarinn Þ Gíslason (IP-tala skráð) 9.1.2010 kl. 08:32]

Sæll, Karl.

Nú vildu " MARGIR ARGIR " Lilju, kveðið hafa.

þakka gott innleg í umræðuna hjá þér.

Kveðja. 

[Sigurður Þórðarson, 9.1.2010 kl. 11:58]

Það er fátt jjákvætt við Æsseif en þessi pistinn fær mann sannarlega til að brosa.  Hannes er sannarlega kynlegur kvistur.

[Jón Steinar Ragnarsson, 9.1.2010 kl. 19:11]

Ég hjó einmitt eftir þessu og saknaði þess mjög að geta ekki gert athugasemd. Hann er algerlega í eigin heimi maðurinn, enda held ég að hann geti ekki verið vinmargur, svo sjálfhverfur og hrokafullur sem hann er.

Það ættu formenn og þingmenn allra flokka að hafa hugfast að þeir geta ekki skreytt sig með þessum fjöðrum. Hér er það fólkið og forsetinn án flokkstrúarbragðanna, sem ræður för.  Þetta er engum að þakka nema staðfestu íslenskrar alþýðu.  Þetta fór samþykkt út af þingi í trássi við vilja þjóðarinnar en það var forsetinn, sem gerði skyldu sína gagnvart almenningi.

Sorry Hannes. Ekkert glingur í barminn fyrir þig að þessu sinn, frekar en endra nær. Skítinn og skömmina áttu samt skuldlaust.

[Þórir kristinsson (IP-tala skráð) 9.1.2010 kl. 23:15]

Hannes Hólmsteinn er klárlega minn uppáhaldspenni ásamt Davíð Oddssyni. Hannes er samt pínu egóískur með þessari kenningu sinni en samt alltaf einlægur fyndinn og stórgáfaður. Varðandi Ólaf Ragnar þá hef ég klárlega ætíð haft lítið álit á honum en núna uppá síðkastið hefur hann farið á kostum og sýnt allar sínar bestu hliðar og unnið mikið gagn varðandi Þrælalögin. Bresku og hollensku ríkisstjórnirnar hafa beitt miklu ofbeldi í öllu þessu "samningsferli" sem jafngilda u.þ.b. fimmföldum Versalasamningum sem þjóðverjar eru enn að greiða af þrátt fyrir að allair þeir seku séu dauðir úr elli. Þáttur SS amfylkingarinnar er í hæsta máta þjóðhagslega skaðlegur. SS-amfylkingin er tilbúinn að senda þjóðina undir Arbeit mact frei hliðið. Vinnan gerir ykkur frjáls! gamalkunnugt slagorð sem á að tryggja dauða Íslands. SS-amfylkingin er sannarlega ruslflokkur Íslands  sem dreymir um að tilheyra ESB herraþjóðinni.

[Högni Snær (IP-tala skráð) 10.1.2010 kl. 10:30]

Hann Óli hefur svo sannarlega vaxið í áliti hjá mér undanfarna viku.

Minni á heimasíðuna okkar og könnun mánaðarins á henni.                         

www.vgmos.is

Högni snær

[Halldór Egill Guðnason, 11.1.2010 kl. 07:22]

Tek ofan fyrir Olafi Ragnari. Atti satt best ad segja ekki von a thvi ad eiga eftir ad gera thad, en lofa ber thad sem vel er gert. HHG er nu bara eins og hann er blessadur og breytist sennilega ekki ur thessu. Alltaf gaman af svona kvistum i samfelaginu og naudsynlegt ad geta hlegid ad einhverju annad veifid.

Bestu kvedjur hedan ad hinum enda veraldarinnar.

[Ásthildur Cesil Þórðardóttir, 11.1.2010 kl. 18:59]

ég er ánægð með forseta vorn í dag, það hefur verið svona upp og niður, en mest fór álitið upp þegar hann neitaði að undirrita fjölmiðlalögin og svo aftur núna.