Stóðst ekki mátið

Nú styttist í tónleika John Fogerty og það er eins gott að kallinn verði í sínu besta formi og stuði í Laugardalshöll á morgun. Þá verður gaman að sjá kallinn þenja raddböndin og syngja sín fallegu og mörg mögnuðu lög.

Ástæða þess að ég skelli hér inn einni nýrri færslu fyrir tónleika Fogerty, eru aðrir tónleikar sem verða á morgun á sama tíma og mér var að berast póstur um frá yndislegri frænku minni henni Gyðu sem kemur fram á þeim tónleikum. Þetta er uppfærsla Kórs Fjölbrautarskóla Suðurlands og Magna á lögum Queen.

Tónleikarnir verða haldnir í Íþróttahúsinu Iðu kl. 20 á morgun.