Þarna þarfnast belgurinn greinilega viðgerðar

Fyrir tuttugu árum síðan vann ég með bróður mínum við orgelsmíðar á Blikastöðum. Það var og er mér ógleymanlegur tími. Þar komst ég í náin kynni við hið magnaða pípuorgel og hvernig slíkt undrahljóðfæri er smíðað og verður til.

Ég var svo heppinn að fá að taka þátt í smíði orgelsins í Lágafellskirkju og einnig hinu stóra og glæsilega hljóðfæri í Digraneskirkju.

Ég lærði einnig að laga gömul harmoníum orgel og því tel ég mig hafa vit á því að þetta hljóðfæri sem leikið er á í þessu myndbandi þarfnast greinilega viðgerðar. Ég er hræddur um að organistinn sem þyrfti að leika á þetta hljóðfæri héldi ekki út heila messu.