Gildran í Hlégarði

Árlegur stórdansleikur foreldrafélagsins Þruma og eldinga verður í Hlégarði í kvöld.

Tilefnið er auðvitað vegna bæjarhátíðarinnar Í túninu heima. Ég skora á alla sem vettlingi geta valdið að koma í Hlégarð í kvöld. Þetta er stóra ballið í Mosó.

Myndin er tekin af okkur félögum fyrir bókstaflega 11 árum síðan í stúdíóinu, Stöðinni. Þá vorum við í upptökum á geisladisk okkar Gildran í 10 ár.

 Diskurinn er ófánlegur í dag en í spilaranum mínum er lag sem heitir Fiðringur, lagið er eftir Bigga og textinn K. Tomm.

Sjáumst í Hlégarði í kvöld. Hinn vinsæli dúett Hljómur hitar upp eins og endranær.