Engum líkur

http://youtu.be/CgnAIsPY8hA

Þetta var glæsileg hreinsun

http://youtu.be/bhWRVYcnQLg

Toyota Rav 4 til sölu

Sjá færslu hér að neðan.

Hann er til sölu

Við vorum svo makalaust óheppinn að fíni bíllinn okkar, Toyota Rav 4 árgerð 2002 hafnaði á ljósastaur á dögunum og skemmdist þó nokkuð mikið að framan verðu.

Bíllinn er samt sem áður ökuhæfur og virðist sem allur vélarbúnaður og annað tilheyrandi hafi ekkert laskast í óhappinu.

Þetta er einstaklega gott eintak af bíl og aðeins ekinn 72.000 km. Þegar við eignuðumst hann fyrir ári síðan er mér til efs að nokkru sinni hafi verið sest í aftursætin. Bíllinn var í eigu eldri manns nánast frá upphafi.

Bíllinn er til sölu í því ástandi sem hann er í nú. Þetta er tilvalið verkefni fyrir laghenta menn og konur að fást við.

Allar nánari upplýsingar er hægt að fá hjá mér í síma: 897 - 7664.

Athugið, myndin hér að ofan er ekki af okkar bíl en af sömu sort og árgerð, liturinn er einnig sá sami.

Flottir feðgar

Það er magnað þegar genin skila sér alla leið til afkomendanna.

Slíkt má sannarlega segja um þá feðga, Sigurgeir, félaga minn úr Gildrunni og Davíð son hans sem stefnir jafnvel í að verða betri en pabbinn á gítarinn og þá er nú mikið sagt.

Það er einnig kostulegt að þeir eru bókstaflega eins á sviði með hljóðfærið í hönd.

 

Eyþór var glæsilegur glímumaður

 

http://youtu.be/t9dPD5A8sEI

Hér er trommað af lífi og sál

Snillingurinn Buddy Rich

http://youtu.be/wgaD54YcXpA

Nútímakona

Allar tilraunir okkar Gildrufélaga til að reyna vera fyndnir í textum hafa mislukkast. Sennilega er það vegna þess að við höfum verið svo heppnir að starfa með frábærum textahöfundum sem hafa samið fyrir okkur svo innihaldsríka og góða texta.

Því virðist sem gagnrýnendur hafi ekki gefið okkur félögunum tækifæriá að gantast öðru hverju, heldur tekið bullinu í okkur alvarlega þegar við höfum sjálfir reynt að hnoða einhverju saman.

Þetta lag og texti er eitt dæmi um það. Þarna ætluðum við að vera svakalega sniðugir og koma með rosalegan karlrembutexta, það fór ekki vel. Við vorum gersamlega teknir í bakaríið fyrir þetta þegar dómar um plötuna komu.

<iframe title="YouTube video player" width="480" height="390" src="http://www.youtube.com/embed/XJl4A2p76LI" frameborder="0" allowfullscreen></iframe>

Dettifoss

Þar sem aldrei á grjóti gráu gullin mót sólu hlæja blóm og ginnhvítar öldur gljúfrin háu grimmefldum nísta heljar-klóm, kveður þú, foss, minn forni vinur, með fimbulrómi sí og æ; undir þér bergið sterka stynur sem strá í nætur-kulda-blæ. Kveður þú ljóð um hali horfna og hetju-líf á fyrri öld; talar þú margt um frelsið forna og frægðarinnar dapra kvöld. Ljósgeislar á þér leika skærir, liðnir frá sól í gegnum ský; regnboga-litir titra tærir tröllauknum bárum þínum í. Ægilegur og undrafríður ertú, ið mikla fossa-val; aflrammur jafnt þú áfram líður í eyðilegum hamra-sal. Tímarnir breytast; bölið sára það brjóstið slær, er fyrr var glatt; er alltaf söm þín ógnar-bára ofan um veltist gljúfrið bratt. Stormarnir hvína, stráin sölna, stórvaxin alda rís á sæ, á rjóðum kinnum rósir fölna í regin-köldum harma-blæ, brennandi tár um bleikan vanga boga, því hjartað vantar ró - en alltaf jafnt um ævi langa aldan í þínu djúpi hló. Blunda vil ég í bárum þínum, þá bleikur loksins hníg ég nár, þar sem að enginn yfir mínu önduðu líki fellir tár; og þegar sveit með sorgar-hljóði syngur döpur of ann´ra ná, í jörmun-efldum íturmóði yfir mér skaltu hlæja þá.   Kristján Jónsson 1842 - 1869 Ljóðið Dettifoss birtist fyrst í blaðinu ,,Íslendingi" árið 1861. ,,Vakti það svo mikla eftirtekt, að höfundur þess, vinnupilturinn á Fjöllunum, var nú orðinn þjóðskáldið Kristján Jónsson." Er kvæðið enn þann dag í dag talið með fegurstu kvæðum sem kveðin hafa verið á íslensku í þessum anda, og er eitt af bestu kvæðum Kristjáns.