Er Skómakarinn orðin of gamall???

Það spurning hvort gamla kappaksturshetjan Mikhael Skómakari sé orðin of gamall eða að M Benzinn reynist honum full erfitt tæki að eiga við.

Slíkra tilburða eins og í myndbandinu hér að neðan verður langt að býða og að sjálfsögðu eru þeir aðeins á færi M Benz ökuþóra.

Farðu nú að ná tökum á alvöru tæki gamli snillingur. Það er ekki hægt fyrir okkur M Benz menn að vera að vesenast í neðstu sætunum.

Hugmyndabanki VG Mos

Gömlu meistaraverkin

Eins og ég hef skrifaði um áður hér hjá mér, þá hef ég ætlað mér að koma með fréttir af gangi mála hjá okkur gömlu Gildrumönnum við undirbúning tónleika okkar í Mosó þann 1. maí í tilefni af 30 ára samstarfsafmæli.

Það er skemmst frá því að segja að allt gengur eins og best verður á kosið. Fyrst og síðast er óskaplega gaman hjá okkur eins og við vara að búast eftir langt hlé. Margar gamlar sögur rifjaðar upp og mikið hlegið á milli laga og í pásum á æfingum.

Gömlu meistaraverkin, eins og Pétur Kristjánsson, okkar kæri, eftirmynnilegi og góði vinur kallaði alltaf lögin af fyrstu plötum okkar og við höfum að sjálfsögðu leyft okkur að gera síðan, hljóma svakalega. Það skyldi þó ekki vera að þeim eigi eftir að fjölga eftir tónleikana sem fella sig við og fatta gömlu meistaraverkin okkar.

Meistaraverkið sem hér kemur, Villtur, var á okkar fyrstu hljómplötu, Huldumönnum, sem kom út árið 1987. Síðar settum við það í nýjan búning og gáfum út á Gildran í 10 ár.

Upptakan er úr gömlum þætti hjá Hemma Gunn á tali.

Markmenn. Ógleymanlegur kappi

Þegar ég var upp á mitt besta í markmannsstöðunni sem ungur drengur í fótboltanum, var ég lengi vel Gordon Banks en síðar Peter Shilton.

Ég gæti trúað að þessi eftirminnilegi markmaður hafi átt og eigi enn marga aðdáendur.

Markmannsferli mínum, sem varð ekki mjög langur, var lokið þegar hann var upp á sitt besta, þannig að ég náði aldrei að vera hann.

Þessi kappi er algerlega ógleymanlegur.

Það er búið að vera svooooo gaman hjá okkur

Við gömlu félagarnir í Gildrunni undirbúum nú af krafti tónleika okkar sem haldnir verða í Hlégarði þann 1. maí.Eins og ég hef skrifað um hér áður eru þeir haldnir í tilefni af 30 ára samstarfsafmæli okkar.

Æfingar ganga vel og er óhætt að segja að góð og einstök stemning sé í okkur gömlu rokkurunum. Mikið óskaplega er gaman að hitta gömlu félagana og vinina og rifja upp gamla tíma og æfa öll gömlu lögin sem eiga svo stórt pláss í lífi manns.

Það verður gaman að sjá ykkur í Hlégarði 1. maí. 

Hér læt ég eitt gamalt og gott fylgja með þessari færslu minni.

Vígsla Krikaskóla í Mosfellsbæ

Mosfellingum og öðrum áhugasömum er boðið á opnunarhátíð Krikaskóla næsta föstudag kl. 15-17 í nýju húsnæði skólans við Sunnukrika.

Krikaskóli er frábrugðinn öllum öðrum skólum á Íslandi að því leyti að í honum verður boðið upp á nám fyrir eins árs til níu ára gömul börn allan ársins hring.

Skólaárið og skóladagurinn verður miðað við það sem þekkist í leikskólum því boðið verður upp á samfelldan skóladag frá hálf átta til rúmlega fimm allt árið um kring fyrir öll börnin. Með því er komið til móts við þarfir foreldra í nútímasamfélagi sem undantekningalítið vinna bæði fulla vinnu utan heimilis. Tekið er mið af skóladagatali leikskólans er varðar skipulag því verður um að ræða 200 daga skóladagatal í stað 180 daga sem þekkist í hefðbundnum grunnskólum. Börnin fá að sjálfsögðu lögbundið kennslumagn í grunnskólanum en því er dreift yfir lengra tímabil, sem gefur meira svigrúm fyrir leik, útivist og skapandi starf á degi hverjum.

Haldin var samkeppni um þróun skólastefnu skólans á árinu 2007 og fyrsta skóflustunga var tekin 25. september 2008. Vinningstillagan, sem unnin var af hópi sem kallar sig Bræðingur, gengur út á grunnhugmynd skólans um lýðræðisleg vinnubrögð, einstaklingsmiðað nám og að efla reynslu og virkni barnsins með því að bjóða því upp á verkefni og viðfangsefni úr umhverfi sínum og veruleika. Krikaskóla opnaði sumarið 2008 með leikskóladeild í Brekkukoti í Helgafellslandi og eru nú börn frá 2ja til 7 ára í skólanum.

Miklar væntingar eru til hins nýja skóla, bæði frá skólafólki sem foreldrum. Þá er starfsfólkið spennt að fá tækifæri til þess að fara nýjar leiðir í skólastarfi. Frétt af mos.is

Hugmyndabanki

Listi VG Mos samþykktur samhljóða

Sjá nánar á bls. 4 í okkar glæsilega bæjarblaði Mosfellingi.

mosfellingur.is

Notaleg lesning

Það eitt að lesa orðið samstöðufund var notaleg og góð lesning. Hafðu þökk fyrir þetta frumkvæði Birgitta.

Vonandi næst góður árangur á fundinum og eins og fram kemur í fréttinni, verði í framhaldinu hægt að ná þverpólitískri sátt um afgreiðslu mála sem vafalítið eru mörg.

Formenn halda samstöðufund

Gríðarleg spenna

Undanfarið hafa verið hér hjá mér tvær skoðanakannanir. Önnur snérist um hvort stjórnmálaleiðtogarnir hafi staðið undir væntingum og hin um ánægju á störfum Ólafs Ragnars Grímssonar undanfarið. 

Ljóst er að vinsældir forsetans virðast samkvæmt öllu hér hjá mér, vera miklar hjá Sjálfstæðismönnum og Hreyfingunni þessa dagana.

Hvað varðar, hvort leiðtogarnir hafi staðið undir væntingum, þá hafa Bjarni Ben og Sigmundur Davíð haft vinninginn undanfarið.

Nú er komin ný könnun og endilega taktu þátt lesandi góður.