Þarna er greinilega maður í hressandi sturtu

Í gær setti ég inn mynd af einum af mínum uppáhalds fossum og jafnframt þeim sem mér finnst einn af okkar fallegustu. Þetta er Foss á Síðu og er myndin af honum í færslunni hér fyrir neðan þessa.

Í færslu minni gerði bloggvinur minn, Arnþór Sigurðsson, athugasemd við eitthvert fyrirbæri sem líktist manni á myndinni. Ég gekk strax í málið og hafði samband við mann sem þekkir fossinn og allt hans umhverfi eins og fingur sína. Hann staðfesti það að þetta fyrirbæri sem sést á myndinni væri ekki þarna í raun.

Eins og Arnþór bendir á er þetta vinstra megin á myndinni Þar sem fossinn skellur á klöppinni og byrjar að renna niður í minni fossa. Já, það er margt skrítið og takk fyrir skemmtilega ábendingu Arnþór.  

Hvar ert þú minn kæri???

http://ktomm.blog.is/users/18/ktomm/files/helgi_i_sveitinni_4756.wav

Helgi, Jóna, Hjördís, Jón, Halldór, Steina, Jenný, Anna, Jens, Pálmi, Laugheiður, Jakob, Guðríður, Ásthildur og. s. frv.

Ég óska ykkur öllum kæru bloggvinir gleðilegra jóla og vona að þið hafið haft það gott yfir hátíðarnar. Einnig vil ég þakka ykkur öllum fyrir bloggvináttuna á árinu sem nú senn er liðið og vona að nýja árið verði ykkur öllum hamingjuríkt.

Bestu kveðjur frá Kalla Tomm úr Mosó.

Við vorum svo heppin að fá jólasveininn í heimsókn til okkar á aðfangadag í fjórða skiptið og að þessu sinni var það Hurðaskellir sem kom. Það var tekið vel á móti honum þrátt fyrir mikil læti og hamagang sem honum fylgdi. Á myndinni er hann með Birnu okkar í fanginu og Óli stóri brósi stendur honum við hlið. Hurðaskellir kom færandi hendi með mandarínur og gjafir handa fjölskyldunni.

 

Bloggvinir

• Bergþóra Jónsdóttir
• Rósa Harðardóttir
• Viðar Eggertsson
• Sverrir Þorleifsson
• Matti sax
• Herdís Sigurjónsdóttir
• Hrafnkell Daníelsson
• TómasHa
• Laugheiður Gunnarsdóttir
• Anna K. Kristjánsdóttir
• Gunnar Helgi Eysteinsson
• Hlynur Hallsson
• Guðjón Jensson
• Hermann Ingi Hermannsson
• Bjarni Bragi Kjartansson
• Guðfríður Lilja
• Vefritid
• Andrea Ólafsdóttir
• Jón Svavarsson
• "Kroppurinn"
• Guðmundur H. Bragason
• Hlynur Þór Magnússon
• Haukur Nikulásson
• Jón Steinar Ragnarsson
• Guðríður Haraldsdóttir
• Áslaug Helga Hálfdánardóttir
• Sigurjón Sigurðsson
• Ásthildur Cesil Þórðardóttir
• Eyþór Arnalds
• Jakob Smári Magnússon
• Halldór Sigurðsson
• Jens Guð
• Halldór Egill Guðnason
• Hrannar Baldursson
• HP Foss
• Kjartan Valdemarsson
• Jenný Anna Baldursdóttir
• Steinunn Helga Sigurðardóttir
• Rúnar Birgir Gíslason
• Mummi Guð
• Axel Jón Birgisson
• Ingvar Valgeirsson
• Kjartan Valgarðsson
• Guðsteinn Haukur / Zeriaph
• Kristján Kristjánsson
• Hjördís Kvaran Einarsdóttir
• Vestfirðir
• Gestur Valur Svansson
• Anna Ólafsdóttir (anno)
• Anna Einarsdóttir
• Margrét St Hafsteinsdóttir
• Magnús Paul Korntop
• Jóna Á. Gísladóttir
• Þóra Sigurðardóttir
• Ingólfur Ásgeir Jóhannesson
• gudni.is
• Egill Harðar
• Paul Nikolov
• Ragnar L Benediktsson
• Baldur Orri Rafnsson
• Guðmundur St. Valdimarsson
• Pálmi Gunnarsson
• Úrsúla Jünemann
• Kjartan Pálmarsson
• Hulda Bergrós Stefánsdóttir
• Sóley Valdimarsdóttir
• Ásgeir Eiríksson
• Huld S. Ringsted
• Sigurður Hreiðar
• Jóhann Kristjánsson
• Lárus G
• Elín Katrín Rúnarsdóttir
• Eyþór Árnason
• Guðrún B.
• Markús Þ Þórhallsson
• Bergur Thorberg
• Guðmundur Rafnkell Gíslason
• Bjarney Hallgrímsdóttir
• SKONROKK
• Helgi Briem
• Vilborg
• Brynjólfur Þorvarðsson
• Sigríður Jónsdóttir
• Óskar V Kristjánsson
• Alfreð Símonarson
• Alma Guðmundsdóttir og Freyja Haraldsdóttir
• Eva Hrönn Jóhannsdóttir
• Fjarki
• Gísli Baldvinsson
• Gísli Bergsveinn Ívarsson
• Helga Sveinsdóttir
• Hvíti Riddarinn
• Ingigerður Friðgeirsdóttir
• Lilja Kjerúlf
• Sveinn Elías Hansson
• Sverrir Stormsker
• Sædís Ósk Harðardóttir
• Sæþór Helgi Jensson
• vinur vina minna
• Þorkell Sigurjónsson
• Þorsteinn Ingimarsson
• Þorvaldur Guðmundsson

Var eitt frægasta jólalag heims samið í Mosfellsbæ? Að ári liðnu

Á stríðsárunum voru fjölmargir hermenn, bandarískir og breskir með sínar bækistöðvar í Mosfellsbæ. Enn í dag má sjá merki þess t.d. á Ásunum við Þingvallaafleggjara en þar eru enn rústir af gömlu sjúkrahúsi. Margar sögur hafa verið skrifaðar af hjúkrunarkonu sem starfaði þar og talið er að sé þar en á sveimi.  

Á Brúarlandi hjá ömmu Kristínu og afa Lárusi var einnig fjöldi hermanna með sitt athvarf og hefur mamma sagt mér margar skemmtilegar sögur frá þeim tíma. Þá var mamma lítil stelpa, hún er næst yngst í stórum systkinahópi. Brúarland er eitt fallegasta hús okkar Mosfellinga og frá þessu gamla skólahúsi eiga margir Mosfellingar góðar minningar.

Nú ári eftir að ég skrifaði þessa færslu mína er þetta gamla fallega hús að fá sitt gamla hlutverk aftur. 

Nýlega sagði góður vinur minn mér skemmtilega sögu, hafða eftir föður sínum, að einn af þeim hermönnum sem hafi verið í Mosfellsbæ á þessum tíma hafi verið Lee Roy Anderson. Lee Anderson samdi skömmu síðar eitt frægasta og fallegasta jólalag allra tíma sem ég læt hér fylgja með í stórkostlegum flutningi Ellu Fitzgerald. Njótið vel.

Þessi mynd af gamla Brúarlandi er fengin frá þeim mæta manni, Sigurði Hreiðari. Hann á stórt og mikið safn ljósmynda.

  

Skatan í Hlégarði

Eftir annasaman dag í jólaundirbúningi sem gekk vel er hugurinn nú kominn að ilmandi skötunni.

Mosfellingar hafa um árabil fylgt liði í skötuna hans Vignis í gamla félagsheimilið okkar Hlégarð og notið þar sannkallaðrar stórveislu.

Á boðstólnum eru allrahanda fiskréttir þannig að þeir sem kunna ekki að meta skötuna geta verið óhræddir að koma í stemninguna og njóta hennar ásamt skötusjúklingunum.

Hjá okkur Mosfellingum er líka flutt lifandi tónlist fyrir matargesti og mun okkar vinsæli dúett Hljómur taka nokkur lög í Hlégarði. Hinn dúettinn Hvirfilbylur er vant við látin að þessu sinni. Myndin er af Hljómnum þegar hann skemmti fyrir VG í Mosó.

Talandi um skötu og pestina sem fylgir suðu á henni þá langar mig að segja ykkur frá því að ég keypti einu sinni umdeildustu ryksugu á Íslandi Rainbow, hún er ekki bara galdratæki í ryksugun heldur er hún einnig sannkallað galdratæki í skötupestarhreinsun. Rainbow er hverrar krónu virði. 

Afmæliskveðja til vinkonu

Einn af mínum bestu vinum á afmæli í dag. Það er hún Hjördís Kvaran, hún er sannur fjölskylduvinur og ein litríkasta og skemmtilegasta persóna sem ég hef kynnst um dagana.

Hún er í senn bráðskörp, góð og óútreiknanleg. Það er aldrei lognmolla í kringum Hjöddu, þegar hún mætir á svæðið gerist alltaf eitthvað óvænt og skemmtilegt. 

Mikið gefur það lífinu mikið gildi að kynnast manneskju sem er heilt í gegn gæðin ein og um leið óútreiknanlegur sérvitringur með yfirburða þekkingu á ótrúlegustu málefnum.

Til hamingju með daginn Hjödda okkar.

Það er nóg af honum framundan

Þar sem blessuð jólin nálgast nú hratt var mér hugsað til skemmtilegrar sögu sem ég heyrði nýlega. Sagan segir frá íslenskum kajak-ræðurum sem fóru til Grænlands.

Einhverntíma á ferð sinni höfðu þeir á orði við grænlenskan fylgdarsvein sinn að nú væri tíminn farinn að hlaupa frá þeim. Þá sagði grænlenski kajakræðarinn, " nei, tíminn hleypur ekki frá okkur, hann er alltaf að koma og það er nóg af honum framundan"

Mér datt þetta bara svona í hug af því að jólin eru að koma.

Hann leysti alltaf vind

Fyrir nokkru síðan skrifaði ég færslu um indverska prófessorinn Kúsandra, hann er einn frægasti slöngu-, fíla- og páfagaukakennari Indlands.

Hann varð og er hvað frægastur fyrir einstakt lag og vald á dýrum. Hann getur kennt dýrum að gera ótrúlegustu hluti.

Oftar en ekki stendur fólk agndofa að loknum sýningum hans. 

Í nýjustu bók meistarans, sem út kom í byrjun desember, viðurkennir hann að eitt hafi honum ekki tekist að gera þrátt fyrir margar tilraunir til þess.

Það er að fá fíl til að leysa ekki vind á meðan sýning stendur yfir.

Krikaskóli, spennandi verkefni

Í Mosfellsbæ verður bráðlega reistur nýr skóli (Krikaskóli) fyrir börn frá 1-9 ára. Haldin var samkeppni um útfærslu skólans og hönnun og hér má lesa niðurstöðu dómnefndar um sigur tillöguna.

ÞÆTTIR SEM DÓMNEFND LAGÐI MAT Á

 Samkvæmt útgefinni samningskaupalýsingu lagði dómnefnd mat á eftirfarandi þætti og var skipting þeirra sem hér segir: v     Stefna skólans í uppeldi og kennslu og tillögur um framkvæmd hennar. Vægi: 20 %v     Tillögur um gerð þróunarverkefnis eða skólanámsskrár, samstarfssamnings um skólastarf og ráðgjöf um framkvæmd hennar til framtíðar. Vægi: 10%v     Útlitsmótun og innra skipulag húss, samþætting við uppeldis- og kennslustefnu. Vægi: 30%v     Tæknilega lausnir og rekstrarleg sjónarmið. Vægi: 20%v     Byggingarkostnaður, sem metinn er af óháðum aðilum og verður kostnaðarmarkmið verkkaupa. Vægi: 13%v     Tilboð í þóknun fyrir ráðgjafarstörf. Vægi : 7%
UMSÖGN DÓMNEFNDAR OG RÁÐGJAFA TILLAGA 1 - BræðingurHöfundar: Einrúm, Arkiteó, Suðaustanátta, VSB, Helgi Grímsson, Andri Snær Magnason og Sigrún Sigurðardóttir. I. Skólastefna: Vel hefur tekist til hjá höfundum tillögunnar að samþætta skólastefnu og hús. Hugmyndafræðin rímar þannig einkar vel við bygginguna.   Skólastefnan er kenningarlega vel undirbyggð og setur skóla og einstaklinga í eftirtektarvert samhengi við nærsamfélag og samfélagið yfirleitt, með skírskotun til veruleika nútíðar og framtíðar og áherslu á að litlar pollagallamanneskjur í litlum skóla geta breytt heimsmynd mannanna, ef umgjörðin býður upp á það. Áhersla er lögð á einstaklingsmiðað, lýðræðismiðað og merkingarbært nám, þar sem virkni nemenda sé forsenda þess að nám verði merkingarbært og áhersla lögð á að þekkingarleit sé verklegt ferli.  Sú mikla áhersla sem lögð er á að börnin kynnist lýðræðislegum vinnubrögðum er jákvæð og telur dómnefndin að hugmyndir s.s. varðandi heimaþingin, útikennslu og áherslu á notkun náttúrunnar spennandi.   Áherslan á virkni einstaklingsins, sköpun, tjáningu, traust, kærleika, samskipti og samræður sem leið til aukins þroska og þekkingar styður vel við lýðræðishugmynd tillögunnar og fellur vel við Skólastefnu Mosfellsbæjar og er til þess fallinn að efla félagsauð í hverfinu og bænum. Skólastefnan er sannfærandi og heildstæð sýn á grunnskóla og leikskóla er góð. Hugmyndir í skólastefnu Bræðingsins, sem lúta að þjónustu við leik- og grunnskólabörn allt árið um kring, í frístund og heilsdagsskólaumhverfi eru framsæknar.  Þær eru til þess gerðar að koma til móts við flóknar uppeldis-aðstæður í íslenskum veruleika í dag og eru verðugar hugmyndir fyrir Mosfellsbæ að móta í samstarfi við foreldra og heimili. Hugmyndir um að skólinn fléttist við landslagið og að byggingin vaxi upp úr landinu, eins og tré á sléttu, og myndi skjólgóða laut um leiksvæði barnanna er sérstaklega barnvæn og námshvetjandi umgjörð fyrir útivist og útinámi.  Tillagan þykir vel til þess fallin að gera Krikaskóla einstakan í sinni röð, bæði skólastefna og speglun hennar í skólahúsi og lóð.  II. Útfærsla húss og lóðarByggingin er á tveimur hæðum. Heimarými árganga á 2. hæð og sérgreinarými, matsalur og stjórnunarrými á 1. hæð. Inngangar eru tveir á neðri hæð fyrir eldri nemendur, en á efri hæð er inngangur fyrir yngstu börnin. Við innganga er flórinn - skemmtileg útfærsla á fatahengjum og skógeymslum. Inngangar eru í skjóli undir skyggni. Hæðirnar tengjast um miðrými þar sem er lyfta og  stigi -  trjástofninn - sem að hluta til getur þjónað sem áhorfendapallur við matsal. Rými undir stiga er nýtt undir stóra geymslu. Huga þarf að því hvort matsalur sé nógu stór fyrir t.d. jólaskemmtanir. Eldhús og matsalur eru ekki nógu vel tengd þar sem ganga þarf niður skábraut til að komast í sæti. Efnisval er spennandi, steyptir fletir í bland við timburklæðningu og gras á þaki. Útfæra þarf betur handrið, sérstaklega m.t.t. leiks barna á þaki. Einnig þarf að ganga úr skugga um að ekki skapist of mikill skuggi af skyggnum við suðurhliðar. Byggingin er staðsett innan byggingarreits. Hún tengist lóðinni um skábrautir sem tengjast yfirbyggðu leiksvæði á þaki 1. hæðar á tveimur hliðum.  Yngstu börnin hafa þannig afmarkað leiksvæði og vagnasvæði á vestanverðu þaki, en eldri börnin hafa austanvert þakið og lóðina alla sem sitt yfirráðasvæði. Lóðin er skemmtilega útfærð í takt við hugmyndir um útikennslu, könnunarferðir og náttúruskoðun. Útisalerni er sniðuglega komið fyrir með aðgengi frá lóð. Grunnhugmynd tillögunnar líkja hönnuðir við tré, þar sem stofninn, ræturnar og jörðin eru neðri hæðin og lóðin, en krónur trésins  með hreiðrum endurspeglast í útfærslu efri hæðar þar sem heimasvæði barnanna eru. Leikskóla- og grunnskóladeildin mynda einn stofn og stefnu. Framsetning tillögunnar er einkar skýr og lífleg.  III. Tæknilegir þættir:Um er að ræða hús sem um margt er hefðbundið í uppbyggingu.  Ekki kemur fram hvort veggir verða einangraðir að utan eða innan. Þak er viðsnúið, þ.e. einangrað að utan og því væri hentugra að hafa útveggi einnig einangraða að utan. Tillagan ber það með sér að vel hafi verið hugsað um lausnir með tilliti til nýtingar. Töluverð fjölbreytni er í útliti og útfærslum húss en engu að síður gott samræmi. Gerð er þokkaleg grein fyrir efnisvali innanhúss og lögð áhersla á hljóðdempun, þó ekki sé farið náið í kröfur um hljóðvist. Góð lýsing er á tæknikerfum og er í þeim lögð áhersla á hagkvæman rekstur með stýringum á kerfunum, endurvinnslu varma og þess háttar. Miðað er við náttúrulega loftræsingu í kennslurýmum en þörf er á að skoða það betur. Raf- og smáspennukerfum eru gerð góð skil í tillögunni og eru þar á ferð metnaðarfullar nútímalegar hugmyndir með það að markmiði að sem best verði búið að nemendum, kennurum og öðrum þeim sem nýta mannvirkið.  IV. Mat á rekstrarþáttumTillaga Einrúms/Arkitéo er að mörgu leyti góð út frá rekstrarlegu tilliti, bæði hvað varðar innra skipulag, tæknilegar lausnir sem miða að hagkvæmni í rekstri sem og efnisval. Mikil áhersla hefur verið lögð á það í lausnum að rekstur mannvirkis og lóðar verði sem þægilegust, vistlegust og umhverfisvænust. Fyrirhuguð skyggni gefa starfseminni aukna nýtingarmöguleika og hlífir börnum að leik sem og ytra byrði húss við sunnan stormum. Huga þarf vel að gerð rampa þar sem um kalda veggi er að ræða, það er þó vel leysanlegt.       

Allt í standi

Hann fagnar fimmtugsafmæli á næsta ári og karlinn nítíu. Karlinn keypti hann nýjan í mars árið 1958. Karlinn segist ekki reikna með að skipta um bíl úr þessu. Hann segir bílinn hafa reynst nokkuð vel, hann hafi reyndar þurft að skipta um bremsuborða, þurrkublöð og kerti.

Aðspurður sagðist hann aldrei hafa geymt hann í bílskúr eða dekrað hann eitthvað sérstaklega. Hann er ekinn 2.312.625km.

Ég var að les þessa fróðlegu grein um einhvern þýskan karl og bílinn hans.