Gangi ykkur vel

Þeir voru svo flottir og eru enn

 

Spörum á réttum stöðum

Göngum framhjá öllum sjálfsölum.

Með því sköpum við atvinnu.

Það er hugur í okkur þrátt fyrir erfiða tíma

Þessa dagana eru bæjaryfirvöld og embættismenn Mosfellsbæjar að vinna að því og kanna hvernig hægt er að spara og draga saman í rekstri á þann hátt að það bitni sem mynnst á fjölskyldufólki og þeim sem síst meiga við því. þessi vinna er ærin og allir hafa lagst á eitt að reyna að milda höggið eins og best verður á kosið fyrir bæjarfélagið. Þó er það ljóst að í Mosfellsbæ eins og annarsstaðar þarf að skera niður á flestum sviðum til að mæta þeim erfiðu aðstæðum sem yfir okkur ganga þessa dagana.

Þrátt fyrir erfiða tíma er hugur í okkur og við erum öll einhuga um að fara í gegnum þá með eins mikilli reisn og mögulegt er. Halda áfram að verða fyrirmyndar bæjarfélag, þar sem fjölskyldan, skólarnir, menningin og blómlegt íþróttastarf verður ávalt í fyrirrúmi.

Á líflegum aðalfundi okkar Vinstri grænna í Mosfellsbæ sem haldinn var í gær og ég bloggaði um nýlega, ber þess helst að geta að sitjandi stjórn var kjörin að nýju með lófaklappi. Stjórnina skipa: Ólafur Gunnarsson, formaður, Einar Hólm Ólafsson, gjaldkeri, Jóhanna B. Magnúsdóttir, ritari, Högni Snær Hauksson og Bryndís Brynjarsdóttir.

Kjörnir voru tveir nýir varamenn, þau, Gísli Ársæll Snorrason og Alma Lísa Jóhannsdóttir. Gísla Ársæl þekkja flestir Mosfellingar en Alma Lísa flutti í bæjarfélagið ekki alls fyrir löngu. Alma Lísa er varaþingmaður Vinstri grænna í Suðurkjördæmi. Við bjóðum Ölmu Lísu sérstaklega velkomna í starfið með okkur.

Myndin er tekin á aðalfundinum í gær. Frá vinstri Högni Snær Hauksson, varaformaður Íþrótta- og tómstundarnefndar, Ólafur Gunnarsson, formaður Vinstri grænna í Mosfellsbæ, Bjarki Bjarnason, fundarstjóri, Karl Tómasson, Ögmundur Jónasson, og Guðfríður Lilja Grétarsdóttir en þau voru sérstakir gestir fundarins. Þau héldu bæði skemmtilega tölu á fundinum. 

Aðalfundur Vinstri grænna í Mosfellsbæ

Næstkomandi miðvikudag, 26. nóvember kl. 20:00 verður aðalfundur Vinstri grænna í Mosfellsbæ haldinn í Hlégarði. Sérstakir gestir verða, Ögmundur Jónasson og Guðfríður Lilja Grétarsdóttir.

Ég hvet sem flesta félagsmenn okkar að mæta og um leið leggja okkur lið, nú, að rétt rúmlega hálfnuðu kjörtímabili okkar í meirihluta bæjarstjórnar Mosfellsbæjar og með því hafa áhrif á okkar samfélag.

Félagsmenn Vinstri grænna eru nú fleiri en nokkru sinni fyrr í Mosfellsbæ og það er okkur vissulega mikið ánægjuefni ef þeir blanda sér í starfið með okkur og hafa með því áhrif á allt okkar starf.

Við höfum á okkar fyrsta kjörtímabili í bæjarstjórn Mosfellsbæjar komið mörgum af okkar áherslum í framkvæmd og öll sem eitt, lagt okkur fram um að gera gott samfélag betra.

Mosfellsbær er fallegt bæjarfélag sem státar af frábæru skólastarfi, einstakri útivistarparadís allt um kring, fyrsta flokks íþróttaaðstöðu og mjög fjölbreyttu menningarlífi. Það er án vafa öllum Mosfellingum kappsmál að ekkert verði slakað á svo bærinn geti státað af þessu öllu um ókomna tíð.    

Fyrir tengdapabba

Fyrir Stulla bróðir

Fyrir Há Pé Foss

Fyrir H P Foss

Snóker er skák

Hér má sjá Ronnie O Sullivan ná hámarksskori í snóker á skemmri tíma en nokkrum hefur tekist. Snóker er íþrótt sem við íslendingar eigum að geta náð langt í.

Því miður hefur hún ekki náð þeirri fótfestu hér á landi að hún sé stunduð af einhverju marki. Snóker er annað vinsælasta sjónvarpsefni í Englandi á eftir fótbolta í sportinu.