Jónas og Megas

Það er magnað að fara um heimahaga Jónasar og þrátt fyrir að 200 ár séu liðin frá fæðingu hanns kemur hann alltaf upp í hugann á þessum slóðum. Dalurinn er einn sá fegursti og Hraun í Öxnadal er einstakt, það eru miklir kraftar á þessum slóðum.

"Kvæðin hafa fylgt sérhverri kynslóð, lesin og sungin á hátíðum og góðum stundum. Þau eru einföld og tær eins og fjallalind". Þetta sagði Ólafur Ragnar Grímsson forseti m.a. um ljóð Jónasar á degi íslenskrar tungu.

Megas hefur m.a. verið heiðraður á þessum degi og er því við hæfi að eitt verka hanns fljóti með. Þeir eiga margt sameiginlegt Jónas og Megas.

Nú syngja allir með og við látum nægja fyrstu tvö erindin í Vísum Íslendinga.

Vísur Íslendinga

   

Hvað er svo glatt sem góðra vina fundur,

er gleðin skín á vonarhýrri brá?

Eins og á vori laufi skrýðist lundur,

lifnar og glæðist hugarkætin þá.

Og meðan þrúgna gullnu tárin glóa

og guðaveigar lífga sálaryl,

þá er það víst, að beztu blómin gróa

í brjóstum, sem að geta fundið til.

 

Látum því, vinir, vínið andann hressa,

og vonarstundu köllum þennan dag,

og gesti vora biðjum guð að blessa

og bezt að snúa öllum þeirra hag.

Látum ei sorg né söknuð vínið blanda,

þó senn í vinahópinn komi skörð,

en óskum heilla og heiðurs hverjum landa,

sem heilsar aftur vorri fósturjörð.

 

Gamli sorrí Gráni

 

Gamli sorrí Gráni

er gagnslaus og smáður

gisinn og snjáður

meðferð illri af.

 

Hann er feyskinn og fúinn

og farinn og lúinn

og brotinn og búinn að vera

hann er þreyttur og þvældur og

þunglyndur spældur

og beiskur og bældur í huga.

 

Gamli sorrí Gráni

er gagnslaus og smáður

gisinn og snjáður

meðferð illri af.

 

Hann er beygður og barinn

og brotinn og marinn

og feigur og farinn á taugum

hann er knýttur og kalinn

og Karoni falinn

ó hvað hann er kvalinn af öllum.

 

Gamli sorrí Gráni

er gagnslaus og smáður

gisinn og snjáður

meðferð illri af.

 

Eitt sinn sagði Megas þegar hann var spurður að því af hverju hann semdi svona andstyggilega texta um konur, en fallega og tregafulla texta um hesta? "Það er vegna þess að ég er skíthræddur við hesta, maður veit aldrei upp á hverju þeir taka, kasta manni af baki, eða sparka í mann. Konur eru ósköp meinlausar".

 

Konur og súkkulaði

Ekki var Jussi síðri

Snoddas var engum líkur

Ég fagna fyrir hönd Varmársamtakanna

Ég vil nú nota tækifærið og óska Varmársamtökunum innilega til hamingju með að hafa loks slitið öllum tengslum við bloggdólginn Valda Sturlaugz.

Hann og hans fólk hefur undir nafnleynd um margra mánaða skeið verið einn af aðal talsmönnum samtakanna og veist að fólki með slíkri háð og heift að engu tali tekur, þrátt fyrir marg ítrekuð viðvörunarorð mætra sveitunga um hversu lágt samtökin hafa lagst með tengingu sinni við hann.

Ég tel þetta stórt skref í í baráttu samtakanna um hin einu sönnu umhverfismál, því umhverfið snýst ekki síst um manneskjuna. Varmársamtökin hafa því miður farið allt of glannalega fram í sínum baráttumálum og hefur það án vafa stórskemmt fyrir þeirra hugðarefnum. 

Ég vona að aðalfundur Varmársamtakanna, sem hafa án vafa sannarlega margt til málanna að leggja fari vel fram og þeirra baráttumál nái hljómgrunni. Það gerist aldrei með þeim aðferðum sem þau hafa beitt undanfarið ár en getur án vafa gerst með breyttum áherslum.

Á það geta kjósendur til nýrrar stjórnar haft mikil áhrif og þar vegur þungt að  Bjarki Bjarnason fái glæsilega kosningu. 

Karl Tómasson.

Bjarki Bjarnason gefur kost á sér í stjórn Varmársamtakanna

Bjarki Bjarnason rithöfundur frá Hvirfli í Mosfellsdal hefur ákveðið að gefa kost á sér í stjórn Varmársamtakanna. Bjarka hef ég þekkt allt frá barnæsku og var mikill samgangur á milli okkar fjölskyldna og voru feður okkar miklir vinir.

Fáir ef nokkrir hafa viðlíka þekkingu á umhverfi Mosfellsbæjar og Bjarki. Hann hefur um áratuga skeið verið í fararbroddi þeirra sem hafa staðið fyrir fræðslu- og menningargöngum um bæjarfélagið og hafa ófáir Mosfellingar og fleiri notið hans þekkingar og skemmtilegra frásagna í þeim. Bjarki Bjarnason er m.a. annar höfunda sögu Mosfellsbæjar sem kom út árið 2005.

Það er mikið gleðiefni að Bjarki hafi ákveðið að gefa kost á sér til setu í stjórn Varmársamtakanna.

Ég skora á alla sem vilja umhverfi sínu vel og ekki síst mannlífinu sjálfu að flykkja sér um að tryggja Bjarka Bjarnasyni glæsilega kosningu á komandi aðalfundi Varmársamtakanna sem verður haldinn í Varmárskóla þann 19. nóvember.  

En núna???

Hvaða þingmaður var að halda ræðu þegar þessi mynd var tekin?

Þessi mynd var tekin þegar þekktur þingmaður og fyrrverandi ráðherra hélt ræðu. Hver var það?

Talaðir þú við Gens í jær?

Það er með ólíkindum hvernig manni tekst stundum að klára jafnvel heila setningu með slíku brengli að hún hljómar nánast eins og talað sé tungum.

Í dag átti ég spjall við vin minn sem er að fara að halda upp á stórafmæli bráðlega. Hann sagði mér m.a annars að hann væri búinn að bjóða Jens í veisluna og hefði gert það í gær.

Þá sagði ég "já! talaðir þú við Gens í jær" Auðvitað ætlaði ég að segja, talaðir þú við Jens í gær.

Um daginn spurði ég konu mína hvað eigum við að hafa í matinn í kvöld, þá sagði hún er ekki upplagt að við höfum spakk og haketí.

Ekki skánar það!!!