Maðkur í mysunni???

Þankagangurinn er mikill í öllum fjölmiðlum vegna Orkuveitumálsins og skoðanir hressilega skiptar um málið. Flestir eru á því að Svandís Svavarsdóttir hafi staðið sig frábærlega þegar málið kom upp og kemur það svo sem ekki á óvart, svo eldklár og skemmtileg sem hún nú er. Svandís er yfirburðarkona. 

Ég verð samt að viðurkenna þrátt fyrir að sú skoðun mín falli eflaust í grýttann jarðveg hjá mörgum félögum mínum að ég er ekki pollrólegur yfir stöðu mála.

Ég er logandi hræddur um maðkinn í mysunni. Framarapestin leggst illa í mig.

Varla hefur verið klappað í þetta skiptið

Það er ekkert sérstakt áhugamál hjá mér að fljúga. Ég er því yfirleitt fegnastur þegar vélin er lent og er einn af þeim sem klappa alltaf hraustlega. Mér finnst það skemmtilegur og góður siður. Oftar en ekki byrja ég fyrstur að klappa við mismikla hrifningu sessunauta minna. Ég reikna ekki með að hafa klappað fyrir þessari lendingu og þó. Sennilega hefði ég verið svo feginn þegar vélin var stopp.

 

Kalla Tomm leikurinn

Tók að gamni þátt í Kalla Tomm leiknum sem var síðast hjá Eddu (eddaagn.blog.is)  og auðvitað fer maður ekkert í svona alvöru spurningakeppnir með annað en sigur í huga. Ég skoraði reyndar á bloggsnillingin Jenný (jenfo.blog.is) að taka leikinn fyrir mig en svo virðist sem að hún hafi ekki séð póstinn frá mér. Því læt ég nú slag standa og skelli hér inn einum góðum.  

Þeir ættu að vita það félagar mínir úr Gildrunni að leikurinn sem við fórum svo oft í á ferðum okkar um land allt virkar vel á blogginu og heitir í höfuðið á trymblinum. 

Hver er maðurinn?

Bloggdólgurinn Valdi Sturlaugz

Sumir bloggarar kjósa einhverra hluta vegna að skrifa ekki undir sínu eigin nafni, heldur að notast við einhver leyninöfn. Í sjálfu sér er ekkert athugavert við það svo fremi sem alls velsæmis er gætt. Alvarlegra er þegar slík leyninöfn eru notuð til þess eins að vera með háð, níð, lítilsvirðingu og svívirðingar gagnvart nafngreindum manneskjum og samferðafólki þeirra. Nokkur slík dæmi dúkka upp öðru hvoru en misalvarleg þó.

   Undanfarnar mánuði hafa Varmársamtökin haft sem tengil á sinni heimasíðu bloggdólg sem kallar sig Valda Sturlaugz. Hann fer hamförum í skrifum sínum sem einkennast öll af rætnu háði og lítilsvirðingu og hafa þau skrif beinst sérstaklega að fáeinum persónum og þá einna helst mér undirrituðum.

   Þó nokkrir hafa séð ástæðu til að fjalla um þetta og hefur stjórn samtakanna m.a. verið send bréf og athugasemdir frá mætum sveitungum þar sem gerðar hafa verið alvarlegar athugasemdir við það að samtökin skuli ekki sjá sóma sinn í að taka þetta út af síðu sinni og afneita öllum tengslum við umræddan bloggdólg. Þvert á móti hafa samtökin leyft þessum bloggdólgi að koma með athugasemdir á síðu sína undir leyninafni á sama tíma og þau hafa séð ástæðu til að henda út jafnvel einföldum fyrirspurnum, undirrituðum með fullu nafni einstaklinga sem raunverulega eru til.  

   Þessi sömu samtök lögðu sig fyrr á árinu afar hart fram við að upplýsa hverjir meintir bloggdólgar væru sem herjuðu á síðu samtakanna og annarra og nafngreindu þar fólk án afláts. Á sama tíma herjaði ein aðaltalskona samtakanna, Kristín Pálsdóttir systir stjórnarkonunnar Sigrúnar Pálsdóttur, á sömu síður undir hinum ýmsu leyninöfnum, notaði annarra manna netföng í leyfisleysi og stofnaði jafnvel heila bloggsíðu í kringum einn "karakterinn" sinn. Ennfemur hafði hún fyrir því að búa til nýtt netfang á bak við nær hvert einasta nafn sem hún skáldaði upp. Þetta kom í ljós þegar ip-tölur voru birtar og var staðfest í samtali við blaðamann DV þegar málið var komið á forsíður blaðsins. Hún hafði viðurkennt fyrir honum að hafa skrifað undir þessum leyninöfnum. Gunnlaugur B. Ólafsson varaformaður staðfesti ennfremur nýlega að Kristín hafi skrifað undir þessum leyninöfnum. Var Kristín notuð af stjórn samtakanna til þess að koma höggi á þá sem gagnrýndu stjórnina eða tók hún upp á þessu hjá sjálfri sér?

   Þegar kvartað hefur verið yfir skrifum Valda Sturlaugz á heimasíðu Varmársamtakanna hefur Berglind Björgúlfsdóttir formaður, svarað á þá leið að viðkomandi verði að ræða málin við hinn umrædda bloggdólg. Hún tekur enga afstöðu gagnvart þeirri staðreynd að maðurinn er ekki til þrátt fyrir að vita það og líklega að vita hver(jir) leynist á bak við nafnið. Hún segist hafa þurft að úthýsa fólki af síðu samtakanna vegna fúkyrðaflaums, sem er ekki rétt - viðkomandi var úthýst þar sem hann spurði samtökin of erfiðra spurninga. Berglind lítur það hinsvegar mildum augum að fólk skrifi þar undir leyninöfnum, á meðan það er í þágu samtakanna. Að framansögðu er næsta líklegast að stjórnarfólk úr Varmársamtökunum eða fólk nátengt henni stendur að baki nafninu Valdi Sturlaugz svo aumkunarvert sem  það nú er.

   Huldumaðurinn Valdi Sturlaugz þekkir vel til mála í Mosfellsbæ og er ljóst að hann hefur mikil tengsl og sambönd í bæjarpólitíkinni á sama tíma og hann lýsir því yfir að hann búi í Reykjavík, sé sjálfstæðismaður og hafi lítinn sem engan áhuga og þekkingu á bæjarmálum í Mosfellsbæ. Hann hefur einstakan áhuga á málefnum VG hér í bæ og öllu sem að þeim snýr. Það vekur furðu að hann kallaði m.a. samflokksmann sinn í sjálfstæðisflokknum, Ragnheiði Ríkharðsdóttur, cover-girl bæjarblaðsins Mosfellings og undraðist hvað blaðið hampaði henni. Þessi huldumaður sá einhverra hluta vegna einnig ástæðu til þess að gera lítið úr leiðaraskrifum ritstjóra Mosfellings Hilmars Gunnarssonar og gera lítið úr frjálsri og óháðri aðkomu þess blaðs að bæjarmálum. Um leið hampaði hann umfjöllun Morgunblaðsins um málefni Varmársamtakanna og skjallar nú sem aldrei fyrr núverandi bæjarstjóra, væntanlega í þeirri trú og von að hann taki öðruvísi á málefnum Varmársamtakanna en Ragnheiður Ríkharðsdóttir.

   Allt kemur þetta frá manni sem segist búa í Reykjavík og vera sjálfstæðismaður! Staðreyndin er hinsvegar sú að tónninn í skrifum Valda Sturlaugz minnir oft frekar á málflutning samfylkingarfólks í Mosfellsbæ en rótgróins sjálfstæðismans enda hefur það margoft komið fram í umræðunni hversu Varmársamtökin og Samfylkingin hafa hampað hvort öðru í málflutningi sínum. Eins og Varmársamtökunum er  mikið í mun að láta sem þau séu ópólístísk. Nú virðist samt sem að renna séu á Samfylkinguna tvær grímur um ágæti samstarfsins.

   Það er furðulegt til þess að vita að samtök sem börðust hvað harðast og úthrópuðu meinta bloggdólga skuli ekki reyna að upplýsa hver umræddur aðili er og ef ekki er vilji eða geta til þess, afhverju þau slíta ekki öll tengsl sín við þennan aðila þar sem greinilega fá að blómstra brenglaðar hvatir fólks sem virðast hafa það eitt að leiðarljósi að hefna ímyndaðra harma.

   Það er fáranlegt að hægt skuli vera að halda út heilli bloggsíðu þar sem að menn halda úti einelti og dylgjum í skjóli nafnleyndar.

   Þess má geta að lokum að aðeins er til einn maður sem er kallaður Valdi Sturlaugs, það er maður um áttrætt sem er föðurbróðir minn.

Virðingarfyllst

Karl Tómasson.

Hvaða stjórnmálamenn í Mosfellsbæ og Kópavogi þiggja mútur?

Í Blaðinu í dag 6. október, er viðtal við Snorra Frey Hilmarsson formann Torfusamtakanna.

Þar segir hann orðrétt:

“Ég veit að verktakar hafa verið mjög rausnarlegir við ýmsa frambjóðendur, til dæmis í Mosfellssveit og Kópavogi. Ég veit einnig af frambjóðendum sem hafa neitað að taka við fé frá verktökum.

Hverjir þeir eru mætti koma fram fyrir kosningar”.

Ég tel að Snorri Freyr þurfi að útskýra þessi alvarlegu ummæli sín nánar þar sem að nú liggja allir frambjóðendur og sveitarstjórnarmenn í Mosfellssbæ og Kópavogi undir grun um að hafa þegið mútur.

Ljóst er að það þarf að krefjast svara um það hvort þessi ummæli eigi sér stoð í raunveruleikanum og mun ég beita mér fyrir því hér í Mosfellsbæ. 

Björn Ingi í hláturskasti

Björn Ingi fær oft hláturskast. Hann er sérstaklega kátur þessa dagana.  

 

Hundanafnanefnd

Heitir hann virkilega Snati??????

Þegar búið var að spyrja mig þessarar spurningar svona c.a. 100 sinnum, runnu á mig tvær grímur.

Í dag heita hundarnir t.d. Tyson, Elvis, Pamela, Andrea Gylfa, Simpson og Davíð Odds.

Hvar eru, Tryggur, Kátur, Týra, Lappi, Snotra, Kola og Sámur????

Minn saklausi leikur

Fyrir tæpum þremur vikum fór ég í smá leik við bloggvini mína og aðra góða gesti á minni síðu. Þátttakan í leiknum varð góð og myndaðist heilmikið fjör. Þetta er leikur sem ég reikna með að margir þekki og hafi farið í. Það er þó nokkuð ljóst að það þekkja hann eflaust fleirri í dag og er það bara gott. Þetta er nefnilega þegar upp er staðið bara svolítið skemmtilegur og fræðandi leikur.

Saklausi leikurinn minn er orðin að umræðuefni og virðist sem sumir bloggarar hafi látið hann fara í taugarnar á sér. Þeir sem agnúast hvað mest út í leikinn eru bloggarar sem vilja meina að þeir sem taki þátt í honum séu að því til að komast í eitthvað sem kallast heitar umræður á Mbl. Það segi ég og stend við, að þegar mér datt þessi leikur í hug og að skella honum að gamni á mína síðu var það svo víðs fjarri mér að það snérist um eitthvað sem heitir að komast í heitar umræður, enda er ég pollrólegur yfir slíkum umræðum, þær hafa oft á tíðum verið á lægra plani en saklaus og skemmtilegur spurningaleikur. Ég er þess einnig full viss að sá fjöldi fólks sem hefur tekið þátt í leiknum undanfarið er heldur ekki að spá í neitt slíkt.

Einfaldlega fólk sem var til í smá glens og gaman. Þetta þarf ekki alltaf að vera magnþrungið.

Ég tek áskorun og hugsa mér mann!!!!!!! 

Kvæði um hund

Það var eitt sinn hundur, horaður, ljótur

og húsbóndalaus að flækjast í borginni,

svo aumur og vesæll og enginn, sem þekkt’ hann,

og ekkert, sem veitt’ honum huggun í sorginni.

Svo dó hann úr sulti seinni part vetrar,

það var sjálfsagt réttmætt og skynsamlegt af ’honum,

fyrst heimurinn smáð’ hann. - Og hafandi glatað

þeim húsbónda, sem að forsjónin gaf ’honum.

Sú þraut var að sjálfsögðu þung fyrir hundinn,

en þetta var sjálfskaparvíti hjá ’honum,

er hann ákvað einn laugardag síðla sumars

að svíkja sinn herra og strjúka frá ’honum.

Ég ætl’ ekki að dæma né áfellast hundinn,

þeir eru svo margir, sem ginu við flugunni,

og lögðust í flæking og hæddu sinn herra,

uns heimurinn lokaði síðustu smugunni.

 

Steinn Steinarr.