Sextíuogsex

Árið 1993 fór Gildran í frí og upp úr því stofnuðum við Biggi dúettinn Sextíuogsex. Dúett sem varð fljótlega tríó með Frikka Hall, þeim ótrúlega náttúru tónlistarmanni, sem hefur komið mörgum á óvart með tónlistarhæfileikum sínum. Einnig starfaði með okkur í Sextíuogsex Jonni Ólafs Pelicani. Mikill húmoristi og snillingur, fullur af grallaraskap og endalausri reynslu sem var ómetanleg fyrir okkur.

Það sem meira var að upp úr þessu ævintýri okkar komu tveir hljómdiskar sem við hljóðrituðum á ógleymanlegum tíma með Óla í Hvarfi. Sextíuogsex var nefnilega svolítið skemmtileg hljómsveit.

Við spiluðum um land allt og það var bókstaflega brjálað að gera hjá okkur. Oftar en ekki fyrir troðfullum litlum krám. Krám sem höfðu öllu jafna ekki átt að venjast mikilli aðsókn. Það kom fyrir að auglýst væri að Gildran væri með tónleika. Það var stundum svolítið erfitt hjá okkur Bigga í upphafi slíkra tónleika að réttlæta þann gjörning en oftast tókst það.

Eitt sumarið fórum við með Bylgjunni og öllu hennar starfsfólki hringinn í kringum Ísland. Það var einstaklega skemmtileg ferð. Þá tróðum við upp við öll tækifæri í útvarpsþáttum þeirra fyrri part dags um land allt og síðar um kvöldið með dansleik. 

Þetta 66 ævintýri var sannarlega skemmtilegur tími.

Athugasemdir

[arna (IP-tala skráð) 17.8.2008 kl. 21:06]

Til hamingju með daginn elsku frændi! Skilaðu kveðju í kotið

[Karl Tómasson, 17.8.2008 kl. 21:11]

Takk elsku Arna frænka.

Skilaðu góðri kveðjur til Óla.

Kær kveðja frá Kalla Tomm úr Mosó.

[Karl Tómasson, 17.8.2008 kl. 21:14]

Arna mín og til hamingju með mömmu gömlu.

[Gunnlaugur Kári (IP-tala skráð) 17.8.2008 kl. 22:29]

Flott grein hjá þér mjög fróðleg fyir músík nörda eins og mig.

Takk fyrir að boðið okkur í heimsókn.

Ertu búinn að skoða viðtalið Sprengjuhöllina .

[Karl Tómasson, 18.8.2008 kl. 00:02]

Takk sömuleiðis Gulli. Ég hafði sérstaklega gaman af heimsókn ykkar félaga og geymi viðtalið vandlega í mínum fórum.

Gangi ykkur allt í haginn, þetta er sérstaklega skemmtilegt framtak hjá ykkur og ég fylgist reglulega með ykkur.

Bestu kveðjur frá Kalla Tomm úr Mosó.

[Jóna Á. Gísladóttir, 18.8.2008 kl. 00:18]

voðalega hefurðu verið aktívur hér á árum áður Kalli minn. Og ert sennilega enn.