Komnir í gæsluvarðhald

Tveir góðkunningjar lögreglunnar voru rétt í þessu staðnir að verki í stórmarkaði á höfuðborgarsvæðinu. Í tösku sem annar þeirra bar, var frosið lambalæri og í jakkavasa hins fundust tvær dósir af niðursoðnum grænum Orabaunum og ein dós af rauðkáli.

Mennirnir hafa nú verið hnepptir í gæsluvarðhald til 14. ágúst en líklegt er einnig talið að þeir hafi millifært greiðslu sem nemur 2.700 krónum til Sviss vegna kaupa á nokkrum Vodkapelum.  

Það er unun að hlusta og horfa á þennan mann tromma

Besta útvarpsstöð í heimi

Eftir margra ára rannsóknir hef ég komist að niðurstöðu. Besta útvarpsstöð í heimi er gamla góða gufan ( Rás 1 )

Nei, nei. Ég hef ekki gert nokkrar rannsóknir á þessu, ég einfaldlega er á þessari skoðun og vafalítið eru þetta ellimerki. Það er notalegt að eldast með gufunni. Hlusta á morgunleikfimina, veðurfréttirnar, messuna, Kristján Sigurjónsson í morgunþættinum, jólakveðjurnar, dánarfregnirnar, litlu fluguna, kvöldgestina hjá Jónasi svo eitthvað sé nefnt.

Allt er þáttargerðarfólkið og þulirnir einnig vel máli farið. Það vantar því miður, oft mikið uppá það, hjá öðrum ljósvakamiðlum.

Gamla gufan, stendur upp úr.

 

 

Tónlistarveisla

Nýlega skrifaði ég um væntanlega sólóplötu vinar míns og félaga, Birgis Haraldssonar. http://ktomm.blog.is/blog/ktomm/entry/895718

Nú styttist í útkomu plötunnar þar sem framleiðslu á henni er nú lokið. Plötualbúmið er vandað og fallegt. Það eins og annað á plötunni er unnið af nánustu ættingjum og vinum, alla texta plötunnar er þar að finna ásamt fallegum ljósmyndum.

Frábærum afmælistónleikum Eiríks Haukssonar er nú lokið. Kappinn fór hreint á kostum ásamt félögum sínum, á tveggja klukkustunda tónleikunum. Biggi söng með Eika eitt hans þekktasta lag, Sekur, og gerði það með miklum glæsibrag. Að loknum tónleikunum bauð Eiki vinum og félögum í skemmtilega afmælisveislu.

Eiríkur hefur undanfarin ár verið að leika á tónleikum með Ken Hensley, sem þekktastur er fyrir lög sín og hljómborðsleik með bresku rokkhljómsveitinni Uriah Heep. Það var gaman að hitta kappann, (gamla átrúnaðargoðið), að loknum tónleikunum.

Hensley var í dúndurstuði og sýndi alla sína gömlu góðu takta.

Myndin er tekin að loknum tónleikunum og eins og sjá má er Eiki vel sveittur.

Afsökunarbeiðni í kjölfar kæru

Eftir fjölda áskoranna, bæði vina og lögfróðra manna um að ég hefði aðeins átt einn leik í stöðunni gagnvart öllum þeim aðdróttunum og ummælum sem um mig hafa verið viðhöfð og ég hef mátt sæta í skrifum hér á blogginu og víðar undanfarin ár vegna lagningu Helgafelssvegar lét ég loks slag standa og kærði.

Nýverið, kærði ég ummæli sem um mig voru viðhöfð í athugasemd á bloggsíðu Gunnlaugs B. Ólafssonar fyrrverandi formanns Varmárasamtakanna og núverandi stjórnarmanns.

Þar var um að ræða ummæli, þar sem gefið var í skyn, eins og svo oft áður að ég hafi þegið mútur til að samþykkja lagningu Helgafellsvegar.

Arnþór Jónsson, höfundur umræddra skrifa á síðu Gunnlaugs B. Ólafssonar, fyrrverandi formanns Varmársamtakanna, hefur verið talsvert áberandi í skrifum á síðu samtakanna og víðar undanfarin ár.

Samkvæmt ósk minni, sendi lögfræðingur minn, Arnþóri Jónssyni bréf þar sem hann setti honum afarkosti.

Biðjast opinberlega afsökunar á ummælum sínum, ellegar verða dregin fyrir dóm.

Nú hefur Arnþór brugðist við áskorun minni og beðist opinberlega afsökunar á ummælum sínum og þakka ég honum það.

Þetta var ekki sú leið sem ég kaus að fara, þ.e. að kæra en gerði á endanum og var samkvæmt lögfróðum mönnum sú eina og borðleggjandi fyrir mig.

Þar með vona ég, að þessum aðdróttunum öllum gagnvart mér, hvort sem er á bloggsíðu Varmársamtakanna, bloggdólga eða hvar sem er sé lokið.

Með góðri sumarkveðju. Karl Tómasson.

Inessa Galante

Og þetta

Þetta líka

Þekktastur er hann fyrir þetta lag

Ken Hensley ásamt Uriah Heep árið 1972.

Eins og ég skrifaði um í færslu minni hér að neðan verður hann einn af gestum Eiríks Haukssonar á morgun í Austurbæ.

 

Mikill meistari heimsækir okkur um helgina

Ken Hensley, hljómborðsleikari Uriah Heep og lagahöfundur margra þekktust laga þeirrar mögnuðu hljómsveitar er væntanlegur til landsins á morgun. Til landsins kemur hann til að fagna 50 ára afmæli vinar síns og félaga, Eiríks Haukssonar.

Eiríkur hefur undanfarin misseri ferðast með Ken Hensley og hljómsveit til fjölda landa og eins og Eiríkur hefur sagt, hefur það verið honum ómetanleg reynsla og mikil ánægja að fá að taka þátt í því að vera með þessum gamla meistara og flytja með honum öll hans þekktu og góðu lög.

Við félagarnir í Gildrunni vorum svo heppnir að fá að hita upp fyrir Uriah Heep þegar hljómsveitin heimsótti Ísland árið 1988. Það er og verðu alltaf ógleymanleg stund.