Meistarinn 80 ára

Þessa mynd tók ég af Guðmundi þegar hann tróð upp ásamt nokkrum félögum sínum, hér í Mosfellsbæ fyrir nokkrum árum síðan. Þetta er ein af mínum uppáhals myndum, sem ég færði honum síðar að gjöf, uppstækkaða og innrammaða.

Einn allra magnaðasti og skemmtilegasti trommari landsins, Guðmundur Steingrímsson, fagnar þann 19. október, 80 ára afmæli sínu. Ég hef verið svo heppinn að hafa kynnst Guðmundi og spilað með honum, það var sérstaklega gaman og skemmtileg lífsreynsla.

Guðmundur er ekki einungis frábær hljóðfæraleikari, heldur einnig, einstaklega skemmtilegur og ljúfur maður. Hann hrífur alla með sér og hefur bókstaflega þannig áhrif á menn og meðspilara að allt fer á ið. Guðmundur hefur haft mikil áhrif á alla sína samferðamenn í tónlist, svo ekki sé talað um trommuleikara landsins.

Bestu afmæliskveðjur kæri Guðmundur.  

Afmælistónleikar „Papa Jazz“

Athugasemdir

[Þórir kristinsson (IP-tala skráð) 18.10.2009 kl. 13:15]

Snillingur! án efa einn albesti trymbill sögunnar. Við íslendingar erum svo lánsamir að eiga marga góða ásláttar-meistara meðan við virðumst eiga því miður svo marga taktlausa stjórnmálamenn.

innilega til hamingju með afmælið Guðmundur.

[steinimagg, 18.10.2009 kl. 20:22]

Enn og aftur, snilldar mynd.

[Júlíus Rafn (IP-tala skráð) 19.10.2009 kl. 02:20]

Væri ekki ráð að fá þig og Guðmund til að telja í þegar fagna skal 1000 nýjum störfum í Mosfellsbæ vegna frábærrar umhverfisstefnu bæjarstjórnarinnar sem þú og VG eiga heiðurinn af.