Stórval aldar minning

 

Herðubreið er heillandi og þeir eru margir listamennirnir sem hafa glímt við fjallið með pensli sínum. Aðeins tveir listamenn gerðu fjallið að sínu aðal viðfangsefni, það voru feðgarnir, Jón Stefánsson og Stefán Jónsson frá Möðrudal. Stefán Jónsson, Stórval eins og hann kaus að kalla sig hin síðari ár tók að mála á gamals aldri. Stefán lék einnig á harmonikku og var mikill áhugamaður um söng. Herðubreið setur sterkan svip á sjóndeildarhring Möðrudalsöræfa, æskuslóðir Stefáns. Í dag verður opnuð yfirlitssýning á verkum Stefáns í gallerí Turpentine í tilefni aldarafmælis hans.

Þess er ekki langt að býða að haldin verði sýning á verkum listamanns sem hefur gert Foss á Síðu að sínu aðal viðfangsefni. Nánar um það síðar.

Athugasemdir

[Gunnar Helgi Eysteinsson, 18.5.2008 kl. 13:55]

Ég er hræðilegur en hvað er Stefán V. Jónsson gamall?

[Ragnar Pálsson (IP-tala skráð) 18.5.2008 kl. 15:53]

Karl, þetta eru skemmtilegar myndir.  Ég man eftir Jóni í Möðrudal frá því ég var strákur austur á landi.  Jón A. Stefánsson bóndi í Möðrudal gerði altaristöfluna í kirkjunni í Möðrudal, en ég tel að það hafi hins vegar verið nafni hans Jón Stefánsson, listmálari, hafi málaði þessa fallegu mynd með lómum í forgrunni, en fjallið þar er ekki endilega Herðubreið.  Sá maður var fæddur á Sauðárkróki árið 1881, en Jón í Möðrudal, faðir Stórvals, var fæddur árið 1880.  Ég tel að mér sé óhætt að segja að Jón í Möðrudal hafi verið sjálfmenntaður í listinni og að hægt sé að flokka hann undir naívista.  Jón bóndi var talinn mætur maður fyrir austan og á marga afkomendur, m.a. Venna sem nú er bóndi í Möðrudal. 

[Linda Björk Ólafsdóttir. Kjalarnesi (IP-tala skráð) 18.5.2008 kl. 18:53]

Eru lómarnir ekki fyrir framan Arnarfell við Þingvallavatn?

[Linda Björk Ólafsdóttir. Kjalarnesi (IP-tala skráð) 18.5.2008 kl. 19:03]

Nei, nei hvaða bull var þetta i mér - myndin er frá Þjórsá og liklega er Búrfell fyrirmyndin þó erfitt sé að segja með vissu. Afsakið þennan ruglingþ